1Mgh 1:34 - Hdi

³⁴ Hada, ka pghanaghata i Tsaduk, mnda dra skwi ŋa Lazglafta, nda anabi Nataŋ ta rɗi ŋa famta ka mghama la Israʼila, ka vyata kaghuni ta duli nda hla wi kazlay: “Ta mblam ka hafa mgham Salumuŋ!” kəʼa.

1Mgh 1:34 ပူးပေါင်းရင်းမြစ်များ

2Sam 15:10

Ma tsa vli ya, ka ghwanaftá Avsalum ta gwal ghunay ni kɗekkɗek da inda mndəra la Israʼila nda mnay ŋa taŋ kazlay na: « Ka nda sna kuni ta vyata lu ta duli ya ná, ka mna kuni: “Nda fa Avsalum ka mgham ma Hevruŋ,” ka kuni dazlay, » kaʼa.

2Sam 2:4

Ka sliʼadaghatá mnduha la Yuda da hada, ka famtá həŋ ta Dawuda nda ma pghanaghatá rɗi ŋa nzakway ka mgham ta ghəŋa la Yuda. Ka lagha lu mnanatá Dawuda kazlay na mnduha la Yaves ma Gilghat ta paɗamtá Sawulu, kəʼa.

2Sam 5:3

Mantsa tama, ka sliʼadaghatá inda galata mnduha la Israʼila slanaghatá mgham Dawuda ma Hevruŋ. Hada, ka dzraftá mgham ta wi nda həŋ ta kəma Yawe. Ka fatá həŋ nda ma pghanaghatá rɗi ta Dawuda ŋa nzakwa ni ka mgham ta ghəŋa la Israʼila.

1Mgh 1:25

Kəl yu ka mnay mantsa ná, waʼa la la gita da Gheŋʼrugel, ka vlatá tsi ka skwa pla ghəŋ ta ndəghata lghəŋha, nda mamakwa slaha nda uwasla nda uwasla, nda rina fisik. Ka hagaftá tsi ta inda zwana mgham, nda maliha gwal vulu, nda Aviyatar mnda dra skwi ŋa Lazglafta. Ta zay zay həŋ ta skwa zay, nda sa skwa say ta kəma ni. Ka həŋ na: “Ta mblam ka hafa mgham Aduniya!” ka həŋ.

1Mgh 1:35

Ka vragafta kuni mista ni, ka sagha tsi nzafta ta dughurukwa ga mghama ɗa, tsatsi dzaʼa ga mgham ma vla ɗa, tsatsi mnaf yu ŋa nzakway ka mali ta ghəŋa la Israʼila nda la Yuda, » kaʼa.

1Mgh 1:39

Ka klaftá Tsaduk, mnda dra skwi ŋa Lazglafta ta dula rɗi ma həga tumpul, ka pghanaghatá Salumuŋ, ka fata ka mgham. Ka vyatá lu ta duli, ka hlaftá inda mnduha ta wi: « Ta mblam ka hafa mgham Salumuŋ! » ka həŋ.

1Mgh 19:16

Ka famta ka nda ma pghanaghatá rɗi ta Yehu, zwaŋa Nimsi ka mghama la Israʼila. Ka famta ka nda ma pghanaghatá rɗi ta Ilisa, zwaŋa Safat, mnda luwa Avelʼməhula ŋa nzakwa ni ka anabi ma vla gha.

2Mgh 11:12

Ka klagaptá Yəhuyada ta zwaŋa mgham, ka wanamtá zlembetsi ma ghəŋ, ka vlaŋtá ɗelewera dzratá wi. Ka famtá həŋ ka mgham, ka pghanaghatá həŋ ta rɗi. Ka həŋ nda dza dzvu nda dza dzvu mantsa: « Ta mblam ka hafa mgham! » ka həŋ.

2Mgh 11:14

Ta nghə tsi ná, wya mgham ta sladu ta vata guguɗi ta tva lami da həga manda ya snu lu ta magay ta dzidzí. Ta sladu maliha gwal vulu, nda gwal vya talakwa ta vata mgham. Ta rfu inda mnduha tsa haɗik ya ka vya talakwa. Ka kuhwiŋtá Ghataliya ta lguta ni, ka wahata, kaʼa mantsa: « A dzratá wa ghuni ya! A dzratá wa ghuni ya! » kaʼa.

2Mgh 9:13

Ka gi klaftá dər wa ta lguta ni ka zlazlatata ta kəma Yehu ŋa sladafta ni tida ta madzəɓara. Ka vyatá həŋ ta duli, ka hla wi, « Ta mblam ka hafa mgham Yehu! » ka həŋ.

2Mgh 9:3

Ka klafta ka ta tsa hwaraka rɗi ya, ka pghəganata ka ma ghəŋ, ka ka dazlay: “Wya ka Yawe mnata: Nda ma pghaghaghatá na rɗi na, fa fa yu ta kagha ka mghama la Israʼila,” kaʼa, ka ka dazlay. Ka gi gunata ka ta wa tgha ka hwayaghuta ka yaha ka da sladavata, » kaʼa.

2Mgh 9:6

Ka sliʼaftá Yehu ka lam da həga. Ka pghəganatá tsa duhwal ka anabi ya ta rɗi ma ghəŋ, kaʼa mantsa: « Wya ka Yawe, Lazglafta la Israʼila mnata: “Nda ma pghaghaghatá rɗi, fa fa yu ta kagha ka mghama mnduha ɗa la Israʼila.

2Rus 23:11

Ka klagaptá tsi ta zwaŋa mgham, ka wanamtá zlembetsi ma ghəŋ, ka vlaŋtá ɗelewera dzratá wi, ka famtá həŋ ka mgham. Ka pghanaghatá i Yəhuyada nda zwana ni ta rɗi, ka həŋ mantsa: « Ta mblam ka hafa mgham! » ka həŋ.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

1Sam 10:1

Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 10:24

Ka Samuyel nda inda mnduha mantsa: « Nghawa ngha! Wana mndu ya zbap Yawe. Haɗ mndu ŋa gray nda tsatsi mataba inda mnduha wu, » kaʼa. Ka ndəɓ inda mnduha ta dzvu, nda hla wi kazlay na: « Ta mblam ka hafa mgham! » kaʼa.

1Sam 16:3

Ka hgadaghata ka ta Yisay da tsa vla za skwa zaya pla ghəŋ ya. Dzaʼa snagham sna yu ta skwi dzaʼa ka da magay. Ka pghanaghatá rɗi ka ŋa ɗa ta mndu dzaʼa ɗikwaghafta yu, » kaʼa.