Zuize 8:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Gidiã tite aibâ norĩ 300 na ihâiba za'ra norĩ siré, wasutu uptabi za'ra nherẽ, õne haré tinhitob'ru zarina isisa'rei mono na te te ãma uzusi za'ra wa, ma tô oto panho'u Zodã pa u hã aihutu. Sihutu wamhã, ma tô taha pa na oto saprĩ za'ra.

Zuize 8:4 ပူးပေါင်းရင်းမြစ်များ

2 Corĩtu 4:16

Tahawa, niwamhã wawi 're robzei'õ waihu'u mono õ di. Tô sena ãne hã mare uptabi di. Awẽ sidâpâsi wahâiba prédubzéb u, duré wahâiba téb ré wanhiptetezé hã wawi 're si'ré u'âsi mono nherẽ, wa wapẽ'ẽ 're apâ 're wanhiptete u'âsi. Tahawa, tô wawi hã 're robzei'õ waihu'u mono õ di tô.

Galata 6:9

Tahawa, ma'ãpé wawa'a ãna marĩ iwẽ na, wa te 're dapawaptob u'âsi za'ra wa'aba mono za, wa norĩ hã. Tawamhã bâdâ iwa waptã'ã wapsi, 'Re ihâimana u'âsi mono te te wa'ãma sima irotizé hã te za iwa'rãmi marĩ iwẽ hã te te wama 're anhomri.

Zuize 7:25

Tawamhã ta norĩ hã ma tô midiãnita norĩ te maparane dama i'rãnho'õmo norĩ hã, Orebe norĩ, Ze'ebehe me hã siwi timra. Ãhã wa, Orebe na ẽtẽ tõmo wawẽ nhisi ãma ma tô Orebe hã siwi tiwĩ. Duré Ze'ebe hã ma tô siwi tiwĩ, uwa iwa'u zô, da te 're i'rãiwati za'ra mono zéb 're. Tawamhã midiãnita norĩ zarina isisa'rei mono na te te ãma uzusi za'ra wamhã, ma tô Orebehe 'rã hã, duré Ze'ebehe 'rã hã siré siwi timra, Gidiã panho'u Zodã pa zara niwĩ isãmrazéb u.

Zuize 8:3

'Re ihâimana u'âsi mono, midiãnita norĩ ma i'rãnho'u, Orebe norĩ, Ze'ebehe me ma tô aima za'ra wa'aba hâiba nhomri zahuré. Ãne wa, e marĩ, wa tô bété wa hã 'manha, asimi'manharĩ za'ra wa'aba zé ma ipire hã. Baba di. Tawamhã ãne na Gidiã te te tãma nharĩ za'ra wa, ma tô Efraĩhĩ nhihudu si'aibâ norĩ hã suru na ti'rãiwahâ za'ra.

1 Samuéu 30:10

Dawi hã ma tô ta hawi duré mo, 400 na aibâ norĩ ré. Tawamhã isiré norĩ 200 na ihâiba za'ra norĩ hã ma tô daza'u asimro sadâ'â zé te, panho'õmo na te te isaprĩ za'ra da hã. Tahawa, te daza'u hã tihâimana za'ra.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.