Zuize 7:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Gidiã, Izaraéu nhihudu norĩ ipo'o hâiba amo hã ma tô satõrĩ za'ra, apâ tinhorõwa u si'aba'ré da, 300 na ihâiba za'ra si i'ratamhã si'ubumro da. Ta norĩ hã sai ré, duré simnhihârâzéb ré, ma tô uburé asimro. Tahawa, midiãnita norĩ, ta norĩ zahâpâ te romharé ãma 'ri hã tãma sisõré.

Zuize 7:8 ပူးပေါင်းရင်းမြစ်များ

Zozué 6:20

Tawamhã sasedoti norĩ hã tinhimnhihãsizé te te oto hãsi. Tawamhã ihârâ, Izaraéu nhihudu norĩ te te wapari za'ra wi, ma tô sa'ẽtẽ uptabi tihârâ za'ra. Ta hawi ma tô 'ri 'wawi wa'ra 'rãihâ hã õne haré waptãrã. Tawamhã uburé ãma isite mono bâ ma sisisi. Tahawa, ma tô siwi ti'â, 'ri nho'u hã.

Zozué 6:4

Ĩte wedehâ're 'manharĩ nhowamhã, te za sasedoti norĩ hã 7 na ai'aba'ré, pone'ẽrebâ zéré mapure si'aibâ õmo na tinhimnhihârâzé hã hâiba mono bâ te te 'wasari sina. Tawamhã a hã, 7 bâtâ ãmamhã ate dasi'wapéi 'manharĩ'wa norĩ me hã te za 'rinho'u 7 na ropãrĩ za'ra wa'aba mono sina asõré pese na asiwi i'uirĩ wa'wa, sasedoti norĩ hã tinhimnhihârâzé te te hãsi mono ré.

Zuize 3:27

Tawamhã Efraĩ ãma ẽne ihâimana za'ra u oto wisi wamhã, ma tô pone'ẽrebâire zéré mapure si'aibâ õmo na danhimnhihârâzé hã sô hârâ za'ra, Izaraéu nhihudu si'aibâ norĩ, te te ida'wapé za'ra da zô. Tahawa, ẽtẽ na te te ãma si'ra za'ra sina,

Zuize 6:33

Tawamhã uburé midiãnita norĩ, amalequita norĩ, duré a'uwẽ rop si 're irosa'wari mono ãma 're ihâimana za'ra mono norĩ hã ma tô si'rã'õtõ. Uburé si'rã'õtõ wamhã, ma tô panho'u Zodã pa na saprĩ za'ra. Tahawa, ma tô duré sima 'ri nhoré za'ra, Zezereu na romharé nhisi wa.

Zuize 7:7

Tawamhã Uburé Danhib'apito, te Gidiãhã ma tinha ãne: — Aibâ norĩ 300 na tinhib'rata na te te i'âhuri norĩ me hã, wa za wa hã asõ'reptu za'ra wa'wa, midiãnita norĩ ãma i'ai'uté za'ra wa'aba zém na hã. Tahawa ma'ãpé isiré norĩ ma tãma nharĩ za'ra na, apâ tinhorõwa u si'aba'ré da.

Zuize 7:9

Tawamhã tô taha mara na Uburé Danhib'apito, ma tô duré Gidiãhã ma tinha ãne: — Ma'ãpé ai'utu, midiãnita norĩ te 'ri u si'ra da, a'wapé da. Asib'rata wa za oto aima sõmri za'ra.