Zuize 7:12 - ꞌRe Ihâimana Uꞌâsi Mono Zadawa Wasuꞌu

¹² Midiãnita norĩ, amalequita norĩ, duré a'uwẽ rop si 're irosa'wari mono ãma romharé wa, 're hâimana za'ra mono da, te te sima iropéi mono norĩ hã, ahâ uptabi di, hâiwa nhirõno 'riti ne we 're isi'réi mono ne. Ta norĩ hã tite awaru ba'õmore norĩ me hã i'ahâ uptabi, supara 'ré â zada'ré na 're ihâimana za'ra mono ne.

Zuize 7:12 ပူးပေါင်းရင်းမြစ်များ

Zozué 11:4

Tahawa ma tô ta norĩ, uburé tite dasi'wapéi 'manharĩ'wa norĩ ré hã wairé ahâ uptabi na, pazaihâ na supara'ré 're ihâimana za'ra mono ne. Duré awaru hã ahâ uptabi di. Awaru na wedewara zapore na dasi'wapézéb zama duré ahâ uptabi di.

Zuize 6:3

Tawamhã Izaraéu nhihudu norĩ te te sima 're robzuri za'ra mono sidâpâsi, ma tô midiãnita norĩ hã, amalequita norĩ hã duré a'uwẽ ropsi 're isa'wari mono ãma 're ihâimana za'ra mono norĩ hã sô 're sisisi.

Zuize 6:33

Tawamhã uburé midiãnita norĩ, amalequita norĩ, duré a'uwẽ rop si 're irosa'wari mono ãma 're ihâimana za'ra mono norĩ hã ma tô si'rã'õtõ. Uburé si'rã'õtõ wamhã, ma tô panho'u Zodã pa na saprĩ za'ra. Tahawa, ma tô duré sima 'ri nhoré za'ra, Zezereu na romharé nhisi wa.

Zuize 6:5

Tirom hawi ma tô sipowawẽ ahâ uptabi na hã duré tite romhâ 'manharĩ na 'ri ré hã 're sihutu, 'ridi i'ahâ uptabi ne. Ta norĩ hã duré isi'awaru ba'õmore norĩ hã, ahâ uptabi wa, ni'wa hã te te sa'rata waihu'u õ di. Ta norĩ hã isipti'a na te te ãma 're irowamnarĩ za'ra mono da si, ma tô 're sisisi.

Zuize 7:13

Tawamhã Gidiã oto wisi wamhã, aibâ tisiwaihu'u ma, tinhimirosawẽrẽ te te iwasu'u hã, ma tô wapa. Ta hã te ãne tãma wasu'u, te te irosawẽrẽzé hã: — Ãne wa tô rosawẽ. Cewada 'manharĩ i'u'ẽtẽ wapu hã ma tô wanhorõwa za'ra 'ri nhoré u hã we sipizari. Tawamhã isipizari mono hã ma tô sa'ẽtẽ 'mai'ri na'rata wĩ. Tahawa, ma tô 'ri hã waptãrã. Waptã'ã wamhã, ma tô ti'ai wam haré nomro.

Zuize 8:10

Tawamhã Zeba norĩ, Salmunahã me, Carcu na romnhisi ãma ma tô tite zahuré dasi'wapéi 'manharĩ'wa norĩ ré hã tihâimana zahuré. Tahawa, dasi'wapéi 'manharĩ'wa norĩ rop si 're irosa'wari mono ãma a'uwẽ isi'mairẽme daza'u hã, ma tô asimro, 15 miu na. Tahawa 120 miu na hã ma tô simro ni, dasi'wapéi wamhã.

1 Samuéu 13:5

Tawamhã filisteu norĩ hã ma tô duré si'rã'õtõ, Izaraéu nhihudu norĩ te te isahu da hã. Tahawa, ite za'ra 30 miu na wedewara zapore na dasi'wapézé hã duré 6 miu na awaru na da'wapéi'wa norĩ hã. Duré ahâ uptabi di dasi'wapéi 'manharĩ'wa norĩ hã â zaihâ na supara 'ré 're ihâimana za'ra mono ne. Tawamhã ma tô oto ai'aba'ré Mitima u, Bete-Awé na 'ri nho'õmo nhisi bâtâ pusizém niwĩ. Tame ma tô sima 'ri nhoré za'ra.

1 Samuéu 30:17

Tawamhã ãma awẽ wamhã, rowa'a wi ma tô Dawi hã a'wapé marazéb u. Tahawa, ni'wa hã simani õ di. 400 na aibâ ipréduptém norĩ, awaru ba'õmore te te sima ibazadâ za'ra na si, ma tô tawamhã ãma aimani za'ra.