Zuize 4:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã nimahã bâtâ na ma tô Baraqui, Abino'ãhã 'ra zô hâ, Naftalihi nhihudu norĩ nhipti'ai ãma 'rinho'u Quedesi na isisi ãma 're ihâimana mono zô. Sô hârâ wamhã, ma tô ãne tãma tinha: — Ãne ma tô Uburé Danhib'apito, Izaraéu nhihudu norĩ te 'Re ihâimana u'âsi mono we aima ti'ru: “Ma'ãpé, Naftalihi nhihudu si'aibâ norĩ duré Zébulõhõ nhihudu si'aibâ norĩ zama 10 miu na pisutu za'ra na. Taha parimhã, te za isimroi mo, Tabo na ẽtẽ nhisi u.

Zuize 4:6 ပူးပေါင်းရင်းမြစ်များ

Salmu 89:12

A hã ma tô hâiwa nhimi'e niwĩmhã, duré hâiwa nhimire niwĩmhã ro hã i'ab'manharĩ mo. Tabo na ẽtẽ nhisi norĩ ãma Hermo na isisi me te pẽ'ẽ to sina ai'ãma hã 're sõ're zahuré.

Salmu 89:13

E niha i'aipaihi nhiptete uptabi! Duré e niha i'asib'rata nhiptete uptabi!

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:47

Wanhib'apito hã ma tô ãne na wama roti za'ra oto: “A norĩ wa'wa hã wa tô aipisutu za'ra wa'wa, zudeu'õ norĩ ma, 're rob'uiwẽ za'ra wa'aba mono da, iwẽ na, taha zarina te 're ida'anho'reptui mono zém na daro mono bâ ãma 're ropéi wa'aba mono da, dama.”

Hebreu 11:32

Ãne na 'Re ihâimana u'âsi mono si, da te dasina 're i'umnhasi za'ra mono zém na, ahâ uptabi na te ãma aima rob'rãzarõtõ za'ra wa'aba neza. Ãhã wamhã, ĩnhimirob'rãzarõno hã te aré sina tipahâ. E marĩ wa. Ahâ uptabi wa. Ahâ uptabi di tô, 'Re ihâimana u'âsi mono te te sina 're i'umnhasi za'ra mono norĩ hã, zahadu te ãma aima irowasu'u za'ra wa'aba õ hã: Gidiã hã, duré Baraqui, duré Sãsã, duré Zepté, duré Dawi, duré Samuéu, duré aimawi norĩ hã uburé 'Re ihâimana u'âsi mono zadawa 'mahârâ 'rata 'wa 're ihâimana za'ra mono norĩ hã.

Zozué 1:9

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zuize 4:10

Tawamhã Baraqui, Zébulõhõ nhihudu norĩ a'uwẽ, Naftalihi nhihudu norĩ a'uwẽ me Quedesi u da, te te pisutu za'ra wamhã, ma tô aibâ norĩ 10 miu na isiré ai'aba'ré. Tawamhã Débora ma tô duré ime mo.

Zuize 5:1

Tawamhã tô taha bâtâ na Débora norĩ, Baraqui, Abino'ãhã 'ra me ma tô ãne tinho're zahuré:

Zuize 6:35

Tawamhã Gidiã, ma tô dama rowasu'u 'wapéi'wa norĩ zama hã 'mazatõrĩ za'ra, Manaséhé nhihudu norĩ zô, Aséhé nhihudu norĩ zô, Zébulõhõ nhihudu norĩ zô, duré Naftalihi nhihudu norĩ zô, hârâ za'ra da. Tahawa ta norĩ zama ma tô duré itẽme ai'aba'ré, ime si'rã'õtõ da.

Zuize 8:18

Tawamhã Gidiã, ma tô Zeba norĩ, Salmunahã me sadanharĩ zahuré ãne: — E 'wa sine hã ma tô Tabo ãma aibâ norĩ asiwi i'uprosi 'wa. — Asine hã ta norĩ hã. Duré danhib'apito 'ra sine hã, uburé ta norĩ hã. — Ãne ma te asa ãma tãma wa'rãmi zahuré:

1 Samuéu 10:3

— Tawamhã te za aimo, aiwisi da, wede iwazéb zahi, 're isa mono u Tabo na romnhisi ãma. Tawamhã tame te za si'ubdatõ aibâ norĩ hã isõpẽtẽ za'ra, Bétéu na 'ri nho'õmo nhisi u isi'aba'ré hã, tame danhimizama zata na sõprub za'ra da, 'Re ihâimana u'âsi mono ma. Tawamhã aibâ imorĩ'rada hã te za tidu si'ubdatõ pone'ẽrebâ zéré uzé hã. Duré aibâ isãna'remhã te za tidu i'u'ẽtẽ wapu hã. Duré aibâ si'ubdatõ ãma hã abazei hâ 'manharĩ na ub'rẽ hã te za ti'â, uwa 'rãi wa'u isé ré i'masi hã.

1 Samuéu 12:11

Tahawa, ma tô Wanhib'apito 'Re ihâimana u'âsi mono hã satõrĩ za'ra Gidiã norĩ hã, Baraque hã, Zépté hã, duré wa hã Samuéu, wa te i'asõ'reptu za'ra wa'aba da hã, asitob'ru norĩ wi. Ãne wa, ma tô a norĩ wa'wa hã oto romnhimimnhasi ãna 're aihâimana za'ra wa'aba mo.