Zuize 4:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Rama norĩ wa'wamhã, Bétéu me te norõsu ne hã iwa'wab zahuré 're sa, Efraĩ ãma ẽtẽ niwĩmhã. Tawamhã taha zahâpâ Débora 're simasisi mono wamhã, ma tô Izaraéu nhihudu norĩ itẽme 're nomro, marĩ na romreme te te itẽme 're i'wasari mono na te te tãma 're arowairébé mono da hã.

Zuize 4:5 ပူးပေါင်းရင်းမြစ်များ

Zenezi 35:8

Ta rob ãma Débora, Rebeca te te iwarahu hã ma tô dârâ. Dâ'â wamhã, wede iwazéb zahi, 're isa mono zahâpâ ma tô siwi tisẽ, Bétéu hâiwa nhimire niwĩ 're ihâimana mono ãma. Tahawa isisi hã ãne: “Wede iwazéb zahi ãma datõmo'u dawi 're ipraba mono” na.

Ezodu 18:13

Tawamhã awẽ bâtâ na Mozési ma tô dama nhamra, niha na te te dama arowairébé da hã. Taha ré ma tô mararé hawim haré, ãma imarazéb u hã tihâiba, te te dama arowairébé ré.

Ezodu 18:16

Ni'wam norĩ, marĩ na sisada ihâimana zahuré hã, te za we ĩtẽme tineb zahuré, te ãma tãma rowairébé zahuré da, i'uwaibaba na. Tawamhã wa za duré 'Re ihâimana u'âsi mono nhimiroti na hã uburé ãma tãma rowasu'u zahuré za.

Ezodu 18:19

Awa'awi na hã te za ĩwapa, aima ĩnhimirotizém na hã. Tawamhã 'Re ihâimana u'âsi mono si te za aipawapto za! A hã danhib'ihâ'a na te tô rob'uwaibaba na si 'Re ihâimana u'âsi mono nho'remhã 're aihâimana mo. Te duré tô rob'uwaibaba na si niha hã date romreme mono hã tãma 're i'a'wapéi mo.

Ezodu 18:26

Tawamhã ta norĩ hã, marĩ na te te dama 're irowairébé za'ra mono na hã, ma tô ãma 're hâimana u'âsi za'ra. Niha hã marĩ dama ipire si ma tô Mozésihi ma hã niha na romreme hã te te tãma 're ãwisi za'ra. Niha hã marĩ iwapu na si, ma tô õ norĩ hã 'râwi te te dama ãma 're rowairébé za'ra.

Zuize 4:4

Tawamhã Débora, Lapidotihi mro, 'Re ihâimana u'âsi mono zadawa 'mahârâ'wa na te 're hâimana. Ta hã ma tô duré Izaraéu nhihudu norĩ ma, rowairébé'wa sipi'õ hã te te 're a'madâ'â, we iromhâimana mono zém na hã.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 22:6

Tawamhã Sau hã te tihâiba, Zibea ãma. Ẽtẽ nhisiwi te nhamra wede zahâpâ, isib'ratamhã isi'uwazi 'rã'wa ré. Uburé ite dama ipire norĩ hã te i'wawimhã asimro. Tawamhã ta norĩ hã ma tô tãma rowasu'u za'ra, Dawi hã tisiré aibâ norĩ ré ihâimana na hã nimame.

1 Samuéu 25:1

Tawamhã Samuéu hã ma tô dârâ. Dâ'â wamhã, ma tô uburé Izaraéu nhihudu norĩ hã itẽme si'rã'õtõ, ãma 'ru'ru da hã. Tawamhã ma tô ãma siwi ti'a, Rama ãma 're ihâimana mono zéb ãma. Tawamhã Samuéu ãma te te siwi ti'ai pari, ma tô Dawi hã mo, Parã na rop si 're irosa'wari mono nhisi u.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.