Zuize 3:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã Izaraéu nhihudu norĩ, ma tô Uburé Danhib'apito, tite 'Re ihâimana u'âsi mono na oto 're po're simrami pese za'ra. Duré tiwi 're wasété za'ra mono wamhã, ma tô cananeu norĩ te ihâiba'õ norĩ ãma dame ãma 're wata za'ra oto, Asera na ihâiba'õ nhisi ãma zama.

Zuize 3:7 ပူးပေါင်းရင်းမြစ်များ

Ezodu 34:13

Tahawa, te za ihâiba'õ norĩ ma, isimizama zatazéb za'ra hã asiwi ipru wa'wa, duré ta norĩ te romhâiba tete uparizé hã, ẽtẽ pisutu pese 'manharĩ zama. Duré ta norĩ uparizé wede 'manharĩ zama te za asiwi ina wa'aba mo za.

Zuize 3:12

Tawamhã Otonié dâ'â parimhã, Izaraéu nhihudu norĩ hã ma tô duré apâ Uburé Danhib'apito wi tiwi 're wasété za'ra. Ãhã wa, ma tô Uburé Danhib'apito, Moabi ãma apito Égrõhõ ma, isiptetezé tãma tisõ, siptete uptabi na isipai u za'ra 're hâimana mono da.

Zuize 3:8

Tahawa, Uburé Danhib'apito, sada sahi za'ra wamhã, ma tô Mezopotãmia ãma apito Cuchã-Risata'ihi ma, hâiba za'ré za'ra, te te ãma ai'uté za'ra da. Tahawa Izaraéu nhihudu norĩ nhisiwip si, ma tô apito hã 're hâimana, 8 na wahub 'remhã.

Zuize 6:25

Tawamhã tô taha mara na, Uburé Danhib'apito, te Gidiãhã ma hã tinha ãne: — Aimama te powawẽ iba'õmore, duré ihâiba amo 7 na ãma iwahu me hã ma'ãpé saprõni zahuré na. Tawamhã te za duré aimama te ihâiba'õ Baau, romhâibarĩ hã ipru. Ihâiba'õ Asera wede na ipoto 'manharĩ isababa 're isa mono zama te za duré i'marõwĩ.

Zuize 8:33

Tawamhã Gidiã dâ'â parimhã, Izaraéu nhihudu norĩ, 'Re ihâimana u'âsi mono ãma 're inomro mono zé hã ma tô apâ rẽme zahi za'ra, cananeu norĩ te romhâibarĩ norĩ ãmap si 're wata za'ra mono da. Tahawa ta norĩ hã ma tô ihâiba'õ Baau-Berite na isisi hã te te sima 're pisutu za'ra, tite ihâiba'õ na si ãma 're nomro mono da.

Zuize 8:34

Tahawa Uburé Danhib'apito tite 'Re ihâimana u'âsi mono ãma 're sipo're pu'u za'ra mono õ di, isitob'ru norĩ te te i'uirĩ za'ra wi te te isõ'reptu za'ra ãma hã.

1 Samuéu 12:10

Tahawa, ma tô nasi tiwi rowaptẽrẽ za'ra ãne te te pawaptob za'ra da, Wanhib'apito 'Re ihâimana u'âsi mono hã: “'Re ihâimana u'âsi mono, wa norĩ hã wa tô wawasété za'ra ni. Duré wa tô rẽme za'ra ni, ai'ãma 're iwawata za'ra mono zé hã, romhâibarĩ Baau na si ãma 're wawata za'ra mono da oto, 'ri nho'õmo mono bâ. Duré Asitaroti na romhâibarĩ nhisi na zama 're wawata za'ra mono da, wa tô ai'ãma 're iwawata za'ra mono zé hã wasiwi rẽme ni. Tane nherẽ, ãhã na wanho'reptu za'ra na wanhitob'ru za'ra wi, ai'ãma si 're wawata za'ra mono da oto apâ.”

1 Samuéu 12:9

Tane nherẽ, ma tô aihi'rata norĩ wa'wa hã po're ha'âri za'ra Wanhib'apito 'Re ihâimana u'âsi mono ãma hã. Tahawa, ma tô Sisera 'rinho'u Hazo na isisi ãma dasi'wapéi 'manharĩ 'madâ'â'wai ma hâiba nhomri za'ra, filisteu norĩ ma hã, duré Moabi ãma apito ma hã, te te 'wapé za'ra wa, te te duré ãma ai'uté za'ra da.