Zuize 3:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Izaraéu nhihudu norĩ, ã hã a'uwẽ norĩ na oto 're mro za'ra mono wamhã, ma tô ite za'ra ihâiba'õ ãma isiré oto ãma 're wata za'ra.

Zuize 3:6 ပူးပေါင်းရင်းမြစ်များ

Ezodu 34:15

Ti'ai 're, 're ihâimana siromo za'ra mono norĩ me hã marĩ na 're asisaze za'ra wa'aba mono õ di za. Ta norĩ hã te tite ihâiba'õ norĩ ãma 're wata za'ra mono da, 're si'rã'õtõ. Te duré tinhimizama zata na hã ãma tãma 're sõprub za'ra. Tawamhã ihâiba'õ norĩ ma, 're isi'rã'õtõ mono zéb u 're anomro aba mono da hã te za asô 're hãsi 'wa. Tawamhã tite ihâiba'õ norĩ ma tinhoprubzé te te 're isõmri za'ra mono 're huri aba mono da hã ãté te za asima 're iwẽ za'ra wa'aba mo, 're tẽ'ẽ za'ra wa'aba mono da.

Ezodu 34:16

Ai'ra norĩ wa'wa hã asiré a'uwẽ'õ norĩ sipi'õ na 're mro za'ra mono wamhã, tawamhã te aré ta norĩ hã ĩ'ãma 're ihâimana za'ra mono zém hawimhã ãma tipahâ za'ra, ĩ'upana ihâiba'õ norĩ ãma 're iwata za'ra mono na ãma 're wata za'ra mono da isiré.

Zozué 23:12

Tane nherẽ, ãma 're i'anomro aba mono zé 're rẽme za'ra wa'aba mono wamhã, a'uwẽ isi'mairẽme norĩ aiwazari wa'aba 're ihâimana za'ra mono norĩ me 're asihâiba tob za'ra wa'aba mono wamhã, duré ta norĩ me oto asina 're aimro za'ra wa'aba mono wamhã,