Zuize 20:3 - ꞌRe Ihâimana Uꞌâsi Mono Zadawa Wasuꞌu

³ (Tawamhã Bẽzamihĩ nhihudu norĩ, Izaraéu nhihudu hâiba amo norĩ, uburé Mispa u te te isai'uri za'ra zém na ma tô waihu'u za'ra.) Tawamhã Izaraéu nhihudu norĩ te anharĩ za'ra ãne: — E niha, ma tô dapãrĩ danhimi'manharĩ wasété uptabi hã watobro.

Zuize 20:3 ပူးပေါင်းရင်းမြစ်များ

Provébiu 22:3

Isimiza'rese wẽ, marĩ isimimnha te te 'madâ'â wamhã, te za tãma ai'ré, romhâ na ré. Tanei õ di, isimiza'rese'õ hã. Ta hã te za õne haré itẽme mo. Tahawa, te za robzépada hã sisô waze.

Mateu 5:25

— Ãté ni'wa hã te za sima ãma ai'ãma 'mairosa'rata 'wa, da'ãma rowairébé'wai u te te ai'mazaprõni aba da, marĩ tiwi i'mai'manharĩ wasété aba zém na te te tãma ai'maiwasu'u wa'aba da. Ãne wamhã, te te ai'mazaprõni aba õ ré, te za tãma ai'masiwasu'u wa'wa, te te ãma ai'mazazei wa'aba wa, da'ãma rowairébé'wa norĩ u, te te ai'mazaprõni aba tõ da, damrami'wai ma, te te duré ai'mai'rui wa'aba tõ da, dazazéb 're, da te ai'manherẽ aba tõ da hã.

Zuize 20:12

Tawamhã Izaraéu nhihudu norĩ, romreme 'wapéi'wa norĩ hã ma tô 'mazatõrĩ za'ra, Bẽzamihĩ nhihudu norĩ tẽme si'aba'ré da hã ti'ai mono bâ. Tawamhã ma tô tãma nharĩ za'ra, ãne: — E niha hã ma tô ai'reb za'ra wa'aba nima norĩ iwasété uptabi hã siwi 'manha.

Zuize 20:2

Tawamhã uburé Izaraéu nhihudu nhib'ihâ'a norĩ hã ma tô 'Re ihâimana u'âsi mono nhib'a'uwẽ norĩ isi'rã'õtõzéb ãma dame tihâimana za'ra. Tame te duré 400 miu na aibâ norĩ hã dame tihâimana za'ra, sib'ézé 'wa pa ré.

Zuize 20:4

Tawamhã levita, imro pi'õ, da te tiwi iwĩrĩ, te ãne tãma ãma rowasu'u za'ra: — Zibea u, ĩmro prã me wa tô aimasisi ni, Bẽzamihĩ nhihudu norĩ nhipti'ai ãma a'â wanhotõ da.