Zuize 2:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa romnhisi hã Boqui na. Tame ma tô Uburé Danhib'apito ma, danhimizama da te tãma 're izata za'ra mono zém na hã, duré tãma tinhoprub za'ra.

Zuize 2:5 ပူးပေါင်းရင်းမြစ်များ

Zenezi 35:8

Ta rob ãma Débora, Rebeca te te iwarahu hã ma tô dârâ. Dâ'â wamhã, wede iwazéb zahi, 're isa mono zahâpâ ma tô siwi tisẽ, Bétéu hâiwa nhimire niwĩ 're ihâimana mono ãma. Tahawa isisi hã ãne: “Wede iwazéb zahi ãma datõmo'u dawi 're ipraba mono” na.

Zozué 7:26

Taha parimhã ma tô isisiwimhã ẽne siwi sa'ra 'rãihâ pese. Zahadu te ãhã na tamemhã ẽtẽ za'ra 'rãihâ hã 're hâimana. Tahawa taha romnhisi hã, “Dama marĩ 'manharĩ wasétézém na Romharé” te zahadu ãhã na da te ãma 're rowamri za'ra. Tawamhã Uburé Danhib'apito nhiti'ruzé hã ma tô oto sa're.

Zuize 13:19

Tawamhã Manoa, pone'ẽrebâ zéré uzé 'ra si'aibâ hã duré amnho hã ma tô 'mai'â. Tahawa, taha na ma tô ẽtẽ nhisiwimhã Uburé Danhib'apito ma ãma tãma tinhopru. Tawamhã Manoa norĩ timro me te te 'madâ'â zahuré ré, ma tô Uburé Danhib'apito hã marĩ aimawi dama isa'rese'õ hã 'manha:

Zuize 2:1

Tawamhã Uburé Danhib'apito ma hâiwa ãma romhuri'wa Gilga na 'ri nho'õmo nhisi hawi ma tô mo, Boqui na romnhisi u. Morĩ wamhã, ma tô Izaraéu nhihudu norĩ ma nharĩ za'ra ãne: — Wa hã wa tô Ezitu hawimhã asani za'ra wa'wa, aihi'rata norĩ wa'aba ma, ti'a na te tãma iropisutuzéb u, te asimroi wa'aba mono da hã. Tahawa, wa tô tinha ãne: “Niwamhã te aima iropisutu za'ra wa'aba zé hã te ĩsiwi sitob õ di za, 'ridawa haré.

Zuize 2:4

Tawamhã Uburé Danhib'apito ma, hâiwa ãma romhuri'wa ãne na te te tãma waihu'u za'ra parimhã, ma tô uburé Izaraéu nhihudu norĩ hã ti'ru'ru.

Zuize 2:6

Tawamhã Zozué, uburé Izaraéu nhihudu norĩ ma, oto si'aba'ré da, te te rob'rui wamhã, ma tô aibâ norĩ hã hâiba mono bâ misisi tite da ti'ai wa'õno hã te te sima waibu.

Zuize 6:24

Tawamhã tame Gidiã, ma tô ẽtẽ za'ra hã 'manha, Uburé Danhib'apito ma, marĩ zatazéb da hã. Tawamhã ma tô sisi, “Uburé Danhib'apito ãma si rowẽ za'ẽne hã”. Tawamhã ãhã na zama te zahadu ẽtẽ za'ra Abi'ézéhé siré norĩ te, 'ri nho'u Opra na isisi ãma hã 're sa.

1 Samuéu 7:9

Tawamhã Samuéu ma tô 'maiwĩ pone'ẽrebâ 'ra hã zahadu tina hâ te te irẽme'õ hã. Tawamhã ma tô wahuré zata, ãma tãma sõprub da, Uburé Danhib'apito ma. Duré taha na ãma tãma sõpru pari, ma tô tiwi rowaptẽ, Izaraéu nhihudu norĩ te te pawaptob za'ra da. Tahawa, ma tô ãma sada'â, te te tiwi irowaptẽrẽzém na hã.