Zuize 2:2 - ꞌRe Ihâimana Uꞌâsi Mono Zadawa Wasuꞌu

² Ti'ai 're, a'uwẽ 're ihâimana siromo za'ra mono norĩ me marĩ na 're asisaze za'ra wa'aba mono õ di za. Te za ihâiba'õ norĩ ma, isimizama zatazéb za'ra hã tiwi 're iprub za'ra wa'aba mo.” Tane nherẽ, ãne na te aima inharĩ za'ra wa'aba zarina, marĩ asiwi 'manharĩ aba õ di. E marĩ wa bété, ãne na ĩmreme hã asiwi 'manharĩ aba õ di.

Zuize 2:2 ပူးပေါင်းရင်းမြစ်များ

Zenezi 12:18

Tahawa, te apito, Abrã itẽme morĩ da hã sô hâ. Tawamhã te ãne tãma tinha: — E marĩ da, ma ãne hã ĩma i'manha. E marĩ wa, aimro na hã ĩma wasu'u õ di bété.

Zenezi 4:10

Tawamhã 'Re ihâimana u'âsi mono te ãne tãma tinha: — E marĩ da, ma tô ãne hã i'manha. Asisãnawãi wapru te ti'ai hawimhã 're sadari. Te duré waptẽ, ti'ruiwa'âbâzé hã.

Ezodu 32:21

Tawamhã Mozési, Arãhã ma, te tãma tinha ãne: — E marĩ, ma tô ã hã a'uwẽ norĩ hã 'manharĩ za'ra, 're idasiwasété za'ra mono zé 're ihâimana mono u, a hã itẽme ãwisi za'ra da hã.

2 Tesalonita 1:8

Tawamhã unhama ro'o wa'wam ne na, te za we nhamra, Zezusi hã. Niha na te za ãhã wamhã dama arob'manha, 'Re ihâimana u'âsi mono, da te dasima 're iwẽ'õ pese za'ra mono norĩ ma, duré Wanhib'apito Zezusihi nhiminho'reptuzém na, iwasu'uwẽ te te 're isazei õ za'ra mono norĩ ma zama.

Zozué 9:7

Tane nherẽ, te Izaraéu nhihudu norĩ aibâ norĩ hã tãma nharĩ za'ra, ãne: — Ãté te 'râwimhã 're aihâimana za'ra wa'aba mo, wa'ratab za'ra. E niha wa za wasiwapari pire zém na wasisazezé hã wasima 'manharĩ za'ra ni.

1 Pedru 4:17

Bâdâ hã ma tô oto iwa waptãrã, 'Re ihâimana u'âsi mono hã te te dama i'arowairébézéb da hã, ta hã dahâimanazém na dawaihu'u'wa 're hâimana mono wa. Tahawa, te za a'â tinhib'a'uwẽ norĩ ma arowairébé, 're iwahâimana za'ra mono zém na, te te wa'awaihu'u wa. Tawamhã e niha za isazei'õ'wa norĩ ma te te irowairébézé hã. Wanhib'apito wasu'uwẽ na, 'Re ihâimana u'âsi mono, we te te dama iwaihu hã te te ãma saze za'ra õ wa dame, ta norĩ ma, 're rowẽ za'ra mono õ di za.

Zuize 2:20

Tahawa Uburé Danhib'apito, Izaraéu nhihudu norĩ zada, sahi uptabi za'ra wa, te ãne tinha: — Ã hã a'uwẽ norĩ, ma tô ĩnhimiroti hã siwi upto, ihi'rata za'ra norĩ ma, te tãma i'ru za'ra hã te te siwi 're nomri pese mono da. Ã norĩ, ĩnhimiroti te te siwi 're wapari mono õ wa,

Zuize 6:10

Wa hã, Uburé Danhib'apito, ate za'ra wa'wa 'Re ihâimana u'âsi mono na wa tô aima ĩsiwasu'u za'ra wa'wa. Amoreu norĩ te, ihâiba'õ norĩ na 're aiwata za'ra wa'aba mono tõ da wa tô duré aiwi sawi za'ra wa'wa, ã hã ti'ai 're, 're ihâimana za'ra mono ãma hã. Tane nherẽ, asima wẽ za'ra wa'aba õ di, asiwi ĩmreme wapari aba da hã.”

Zuize 6:8

ma tô tizadawa 'mahârâ'wa hã itẽme satõrĩ za'ra. Tahawa, ma tô ta hã ãne tãma sadawa wasu'u za'ra: — Ãne Uburé Danhib'apito, Izaraéu nhihudu norĩ te, 'Re ihâimana u'âsi mono hã te tinha: “Wa hã wa tô Ezitu ãma aipawa'âbâ ãna dama 're iromhuri za'ra wa'aba mono zém hawimhã we asani za'ra wa'wa.

Zuize 8:27

Tawamhã Gidiã, taha oru na ma tô sasedoti nho'utu'u ubuzéb da hã 'manha. Tahawa, ma tô tite 'rinho'u Opra na isisi ãma marĩ na sasõ. Ãhã zarina ma tô uburé Izaraéu nhihudu norĩ, 'Re ihâimana u'âsi mono ãma 're inomro mono zé hã siwi tirẽ. Tahawa, 'Re ihâimana u'âsi mono upana si ma tô taha na 're iwata za'ra mono zéb u si oto 're nomro. Ã hã Gidiãhã ma, duré isib'a'uwẽ norĩ ma, abaze da te ãma 're iwaibui mono zém ne 'râwi ãma 're isisitob za'ra mono zé hã ma tô tãma 're hâimana za'ra.