Zuize 2:16 - ꞌRe Ihâimana Uꞌâsi Mono Zadawa Wasuꞌu

¹⁶ Tahawa, Uburé Danhib'apito ma tô Izaraéu nhihudu norĩ ma, dama i'rãnho'u isiptede hã tãma sõmri za'ra, da'ãma rowairébé'wa na isisi norĩ hã, te te 're i'wapé za'ra mono norĩ wi, duré te te 're isimi'uri za'ra mono norĩ wi, te te 're isõ'reptu za'ra mono 'wa da hã.

Zuize 2:16 ပူးပေါင်းရင်းမြစ်များ

Neemia 9:27

Tahawa ma tô isitob'ru norĩ ma, isa'ré za'ra, te te ãma ai'uté za'ra da hã, duré te te 're iwati pese za'ra mono na tãma 're hâimana za'ra mono da hã. Tane nherẽ, te te oto 're irobzépata za'ra mono 'remhã, te te aiwi 're rowaptẽrẽ za'ra mono wamhã, ma tô duré hâiwa hawi ãma 're isada'âbâ za'ra mo. Tawamhã ãma i'aiwamri za'ẽtẽ za'ra zarina, isitob'ru norĩ hawi te te nasi sani za'ra da hã ma tô i'rãnho'õmo norĩ itẽme za'ra hã 're isatõrĩ za'ra mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:20

Iwa dawi 're rob za'ra mono ré hã, 450 na ma tô ãma tiwahub za'ra. — Tawamhã dama imreme pire norĩ hã misi sidâpâsi ma tô dama pisutu za'ra, isadawa para da'ãma rowairébé'wa 're hâimana za'ra mono da, Samuéu hã ipotozéb u. Tawamhã ma tô podo, Samuéu hã. Prédu wamhã, ta hã ma tô 'Re ihâimana u'âsi mono hã te te dama 're sadawa wasu'u. Ta hã isadawa 'mahârâ'wa.

Zuize 10:1

Tawamhã Abimelequi dâ'â parimhã, Puaha 'ra Tola, Dodoho nhihudu hã ma tô Izaraéu nhihudu norĩ te te anho'reptu da hã watobro. Ta hã Isacaha nhihudu norĩ siré a'uwẽ, 'rinho'u Sami na isisi ãma 're ihâimana mono, Efraĩ ti'a niwĩ ẽtẽ za'ra ahâ ãma.

Zuize 11:32

Tawamhã Zépté pa nho'õmo na ma tô saprĩ, amonita norĩ te te a'wapé da hã. Ãhã wa, ma tô Uburé Danhib'apito te te da'ãma i'ai'utézé hã tãma tisõ.

Zuize 3:15

Tahawa Uburé Danhib'apito wi, Izaraéu nhihudu norĩ, mreme 'rãihâ na duré apâ te te tiwi rowaptẽrẽ na sahu za'ra wa, ma tô aimawi aibâ hã duré itẽmemhã 'mazatõrĩ za'ra, te te 're i'anho'reptui mono da hã. Aibâ, Eudi, Geraha 'ra, Bẽzamihĩ nhihudu hawi a'uwẽ hã. Eudi hã isimi'e. Tawamhã Izaraéu nhihudu norĩ, ma tô dapawa'âbâzé sipo'ore tãma 'ru za'ra, Moabi ãma apito Égrõhõ ma, te te âri da hã.

Zuize 3:31

Tawamhã Eudihi za'u ma tô Sãga dama i'rãnho'u Anatehe 'ra hã te te 're da'a'madâ'â. Ta hã ma tô filisteu norĩ 600 na uprosi, isi'uwazi 'manharĩ na powawẽ zusizém na. Ãne ma tô õhõ zama Izaraéu nhihudu norĩ hã te te 're anho'reptu.

Zuize 4:5

Tawamhã Rama norĩ wa'wamhã, Bétéu me te norõsu ne hã iwa'wab zahuré 're sa, Efraĩ ãma ẽtẽ niwĩmhã. Tawamhã taha zahâpâ Débora 're simasisi mono wamhã, ma tô Izaraéu nhihudu norĩ itẽme 're nomro, marĩ na romreme te te itẽme 're i'wasari mono na te te tãma 're arowairébé mono da hã.

Zuize 6:14

Tawamhã Uburé Danhib'apito, Gidiãhã ma, ma tô tãma waihu'u ãne: — Ma'ãpé asiptete sina aimorĩ, Izaraéu nhihudu norĩ sõ'reptu za'ra da, midiãnita norĩ wi. Aimorĩ da, wa wa hã aima rob'ru.

Ruti 1:1

Izaraéu na ti'ai wa'õtõ nho'õmo nhisi ãma, Mozésihi nhimiroti zarina, da'ãma rowairébé'wa norĩ te te 're da'madâ'â za'ra mono ré, ma tô mra hã da te 're sépata za'ẽtẽ za'ra. Tahawa, Belẽ hawimhã aibâ hã, Zuda na danhipti'a nho'õmo hawimhã, ma tô timro me tineb zahuré. Duré i'ra norĩ te isiré hã tineb zahuré, Moabi na ti'ai wa'õtõ nho'õmo nhisi ãma a'â 're hâimana zahuré mono da.

1 Samuéu 12:11

Tahawa, ma tô Wanhib'apito 'Re ihâimana u'âsi mono hã satõrĩ za'ra Gidiã norĩ hã, Baraque hã, Zépté hã, duré wa hã Samuéu, wa te i'asõ'reptu za'ra wa'aba da hã, asitob'ru norĩ wi. Ãne wa, ma tô a norĩ wa'wa hã oto romnhimimnhasi ãna 're aihâimana za'ra wa'aba mo.

1 Samuéu 14:48

Sau hã pẽ'ẽwara ãna te te a'wapéi wa, ma tô duré ãma ai'uté za'ra amalequita norĩ ãma hã. Tawamhã 're si'wapé za'ra mono sidâpâsi ma tô õne u'â Izaraéu nhihudu norĩ 'wawimhã 're simapa u'âsi.