Zuize 18:3 - ꞌRe Ihâimana Uꞌâsi Mono Zadawa Wasuꞌu

³ Tawamhã si'ubumroi ré, ma tô aibâ iprédupté levita norĩ siré tame 're isãmra mono mreme te te iwapari za'ra hã, siwi mremei hu'u. Tahawa 'râwi itẽme te te sina rotété za'ra wamhã, ma tô ãne siwi sadanha: — E marĩ te ãmemhã i'manha. Duré e 'wa hã ma tô we ãwamhã asaprõ.

Zuize 18:3 ပူးပေါင်းရင်းမြစ်များ

Zenezi 27:22

Tawamhã Zaco, Izaquihi tẽme ma tô 'râwi itẽme ai'ré. Imama te te upi mono sina, ma tô ãne duré tãma tinha: — Aimreme hã, tô Zacoho mreme ne, a hã. Tane nherẽ, asib'rata si hã, tô Ezau nhib'rata ne.

Mateu 26:73

Tawamhã suru na ãma ronomro wi, ma duré i'rata isimasam norĩ hã 'râwi itẽme aimasa Pedruhu u, te te tãma nharĩ za'ra da, ãne: — Galiléa ãma 're idamreme zusi mono ne, aimreme hã. Tahawa, wa tô wasiwi aiwaihu'u ni, Galiléa ãma aré 're i'asãmra mono na. Tahawa, tô sena wa tô duré wasiwi aiwaihu'u ni, Zezusihi siré 're inomro mono norĩ siré 're i'aimorĩ na.

Zuize 12:6

ma tô ãne damreme hã tãma 'ru za'ra: “Ma'ãpé nharĩ ãne: Chiboléti na”. Tawamhã isadawa parab za'ra “Siboléti na”, damreme õhõ zarina si te te nasi nharĩ za'ra wamhã, ma tô nasi waibu ni. Ma tô duré nasi simro ni, tô tame â zaihâ na. Tahawa, Efraĩhĩ nhihudu norĩ, tô tamemhã ma tô ai'utõ, 42 miu na.

Zuize 18:2

Tahawa Dãhã nhihudu norĩ, ma tô uburé tite za'ra a'uwẽ 'remhã 5 na aibâ isi'wapé waihu'u pese norĩ hã siwi pisutu za'ra. Tawamhã ta norĩ hã ma tô 'rinho'u Zora hawi, duré 'rinho'u Esta'o hawi si'aba'ré da, satõrĩ za'ra, ti'a te te siwi waihu'u da, te te 'maiwapsãi'a za'ra da hã. Tawamhã ta norĩ, Efraĩ ti'ai ãma ẽne 're ihâimana mono u oto sihutu wamhã, ma tô Micaha nhorõwa u ai'aba'ré, tame ãma awẽ za'ra da.

Zuize 18:4

Tawamhã iprédupté, Mica te te tãma i'manharĩzé hã ma tô tãma wasu'u za'ra ãne: — Ta hã ma tô ĩnhe, ite sasedoti na tãma 're ĩhâimana mono da.