Zuize 18:2 - ꞌRe Ihâimana Uꞌâsi Mono Zadawa Wasuꞌu

² Tahawa Dãhã nhihudu norĩ, ma tô uburé tite za'ra a'uwẽ 'remhã 5 na aibâ isi'wapé waihu'u pese norĩ hã siwi pisutu za'ra. Tawamhã ta norĩ hã ma tô 'rinho'u Zora hawi, duré 'rinho'u Esta'o hawi si'aba'ré da, satõrĩ za'ra, ti'a te te siwi waihu'u da, te te 'maiwapsãi'a za'ra da hã. Tawamhã ta norĩ, Efraĩ ti'ai ãma ẽne 're ihâimana mono u oto sihutu wamhã, ma tô Micaha nhorõwa u ai'aba'ré, tame ãma awẽ za'ra da.

Zuize 18:2 ပူးပေါင်းရင်းမြစ်များ

Zenezi 42:9

Tawamhã Zuzé te te ãma isaho za'ra mono na hã ma tô oto po're puru. Tahawa, te ãne tãma nharĩ za'ra: — Ĩma hã a norĩ wa'wa, dama wapsãi'a'wa norĩ te we ai'aba'réi wa'wa, ti'ai wa'õtõ nho'õmo 'remhã nima niwĩ wanhitob'ru norĩ ma, ro sib'uwa na 're isa'wari mono zô asiwi sabui wa'aba da hã.

Provébiu 20:18

Dama roti pire 'manharĩzé hã wẽ di, danhimirowa'õtõ 'manharĩzéb da hã. Duré ni'wa dasi'wapéi u watobro da wamhã, te za a'â marĩ na tãma rowasu'uzé hã dawi waptẽ, iwẽ hã.

Luca 14:31

— Duré apito na, wa za aima ãma simiré'é za'ra wa'wa. Ãté danhib'apito te za dama 're 'manhamra. Isib'a'uwẽ norĩ hã dasi'wapé 'manharĩ'wa norĩ hã te ahâ na 're si'ubumro, 10 miu na ihâiba za'ra hã. Tawamhã ma tô apito hâiba amoi wasu'u wapa, danhib'apito hã. Dasi'wapé 'manharĩ'wa hã te we, u, ahâ uptabi na te te simro tinhib'a'uwẽ hã, 20 miu na, u, ihâiba za'ra hã. Tawamhã dazô wairébé õ ré, te za a'â nhamra, isib'a'uwẽ hã, dazada siptete za'ra zô. Dazada isiptete za'ra õ na, te te waihu'u za'ra wamhã, te za tinhitob'ru norĩ u da'mazatõ, te te tãma 'mazadawa wasu'u da, isib'apito za'ra ma. Isitob'ru norĩ hã zahadu romhâ ré, te za itẽme da'mazatõ, we dasihutu tõ da, dasi'wapé za'ra tõ da. Ãne, apito na te aima ãma isimiré'é za'ra wa'aba zé hã. Tane ĩzazei'wa, 're anomro aba mono da, marĩ hã asima 're sawi za'ra wa'aba mono õ di za, aipẽ'ẽ 're. Marĩ hã aipẽ'ẽ 're, asima 're sawi za'ra wa'aba mono wamhã, ĩzazei'wa na te 're aiwaihu'u za'ra wa'aba mono õ di za.

Zozué 2:1

Tawamhã Zozué, Sitĩ hawi ma tô wapsãi'a'wa norĩ hã satõrĩ zahuré, pi'uriwi. Ãne te tãma rob'ru zahuré: — Ti'a hã 'râwi sabui wẽ wa'aba da, te za ane wa'wa. Tane nherẽ, 'ri nho'u Zerico si te za iwaihu'u wẽ wa'wa, danhipai u. Tawamhã oto neb zahuré wamhã, ma tô tizasi zahuré, pi'õ Ra'abi na isisi iwa'âbâ zô 're isisõmri mono nhorõwa u, tame sõtõ zahuré da.

Zozué 2:2

Tawamhã Zerico ãma apito u, ma tô romreme ãne itẽme wi: — Izaraéu nhihudu hã ma tô we ãwamhã bara na 'maihaimasisi, ti'a te te waimrami zahuré mono da hã.

Zuize 13:2

Tawamhã aibâ te 're hâimana 'rinho'u Zora na isisi ãma, Manoa na isisi hã Dãhã nhihudu hawi a'uwẽ. Imro hã i'razéb 'ré.

Zuize 13:25

Tawamhã Sãsã, Ma'ane-Dã ãma Zora na 'ri wa'õtõ nhisi norĩ wa'wamhã, Esta'o na 'ri wa'õtõ nhisi 're me 're hâimana mono ré, ma tô Uburé Danhib'apito pẽ'ẽzani iwa ihâimana na hã duré ãma sãna'rata, niha marĩ te te 're i'a'manharĩ mono zéb da hã.

Zuize 16:31

Tawamhã Sãsãhã sisãnawã norĩ, uburé isiré a'uwẽ norĩ me ma tô ihâiba zô hã ai'aba'ré. Tawamhã ihâiba te te siwi âri wamhã, ma tô ãma siwi ti'a, Zora na 'ri nho'õmo nhisi norĩ wa'wa, Esta'o na 'ri nho'õmo nhisi wa'wa me, imama Manoa da te isẽrẽzéb 're. Sãsã hã 20 na ãma iwahum na ma tô Izaraéu nhihudu norĩ ma i'rãnho'õmo na hã 're hâimana.

Zuize 17:1

Tawamhã Mica na aibâ nhisi hã te 're hâimana, Efraĩ ti'ai ãma ẽne 're ihâimana mono ãma.

Zuize 18:11

Tawamhã Dãhã nhihudu norĩ, Zora hawi duré Esta'o hawi, ma tô 600 na aibâ norĩ ihâiba na wairé, simnhi'ãsi ré si'wapé za'ra da.

Zuize 18:13

Tawamhã ta hawi Efraĩ ti'ai 're ẽne ihâimana u si'aba'réi wamhã, ma tô oto Micaha nhorõwa u aihutu.

Zuize 18:3

Tawamhã si'ubumroi ré, ma tô aibâ iprédupté levita norĩ siré tame 're isãmra mono mreme te te iwapari za'ra hã, siwi mremei hu'u. Tahawa 'râwi itẽme te te sina rotété za'ra wamhã, ma tô ãne siwi sadanha: — E marĩ te ãmemhã i'manha. Duré e 'wa hã ma tô we ãwamhã asaprõ.

Zuize 18:8

Tawamhã 5 na aibâ norĩ, Zora u, duré Esta'o u apâ te te sina siri za'ra wamhã, ma tô isiré a'uwẽ norĩ sadanharĩ za'ra, marĩ hã te te siwi i'upsibi me za'ra zém na hã.

Zuize 19:1

Tawamhã taha wahu mono na Izaraéu nhihudu norĩ si'apito ãna hã te 're hâimana za'ra. Tahawa, te nimahã levita si'aibâ romhâ na Efraĩhĩ te ti'ai ãma ẽne 're ihâimana mono niwĩmhã 're sãmra. Ta hã ma tô Belẽ hawimhã, Zuda na rowamri hawimhã imro prã za tãma 're ihâimana mono da hã sima 'mai'ãwisi.

Zuize 19:18

Tawamhã levita ma te sada'â ãne: — Belẽ hawi, Zuda na rowamri hawimhã wa tô romhâ u wei mo wa hã, Efraĩhĩ nhipti'ai ãma ẽne 're isa mono ãma 're ĩhâimana mono zéb u. Wa tô aré mo, Belẽ u hã. Tane nherẽ, wa ãhã na oto apâ mo ĩnhorõwa u. Tane nherẽ, ã bâtâ 'remhã ni'wa hã ĩzô hârâ õ di, a'â isõrõwa ãma ĩ'ãma i'awẽ da hã.