Zuize 17:2 - ꞌRe Ihâimana Uꞌâsi Mono Zadawa Wasuꞌu

² Tawamhã ta hã te tina ma tinha ãne: — Nimahã na ate 1.100 na ẽtẽ waipo prã prata isapotore, da te aiwi simi'uri za'ra wamhã, ma tô a hã isimisaihuri ma, iwẽ'õ hã tãma ipisu. Ãne na wa hã wa tô wapa. Tane nherẽ, i'uptabi na hã te ẽtẽ waipo prã prata ĩ'ratamhã nomro. Wa hã wa tô ti'â. — Ĩ'ra, Uburé Danhib'apito iwẽ si te te tô aima 're ipisutu mono da si, ĩma wẽ di!

Zuize 17:2 ပူးပေါင်းရင်းမြစ်များ

Zenezi 14:19

Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Neemia 13:25

Tahawa aibâ norĩ ma, wa tô pẽtẽ za'ra. Wa tô duré 'Re ihâimana u'âsi mono nhimi'ahârizé hã sada waptẽrẽ za'ra. Tahawa, wa tô duré hâ za'ra. Wa tô duré séré zano za'ra. Tawamhã 'Re ihâimana u'âsi mono nhisi na wa tô tiwi waptẽrẽ za'ra, niwamhã i'ra norĩ hã wasiré a'uwẽ'õ norĩ nhipi'õ na hã 're mro zahu za'ra mono tõ da.

Salmu 10:3

Iwasété norĩ hã te mreme nhiséb ãna marĩ iwasété si te te sima 're i'ruiwapari za'ra mono na 're mreme zusi, isi'madâ'â ze zéb zarina. Duré danhimarĩ zô hâimana nhipese sina te te sima 're ida'wani za'ra mono norĩ hã, te Uburé Danhib'apito ãma te te 're wasété za'ra.

Ezodu 20:7

— Ĩnhisi na asiwi 're ĩwazé wa'aba mono ãna taré ãma 're nharĩ za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono, wa ĩnhisi te te 're iwazéb za'ra mono õ norĩ ma te tãma 're arob'manharĩ.

Provébiu 28:24

Ni'wa, iwasété õ na te te iwaihu'u zarina, timama nhimarĩ norĩ ina nhimarĩ me te te tiwi simi'uri zahuré wamhã, te rowamnarĩ pese 'wa ne hã oto 're hâimana.

Mateu 26:74

Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono hã te te ĩ'azâri pé. Tawamhã ãne na dama siwasu'u wi, ma tô si'a hã hârâ watobro, awa'awi.

1 Corĩtu 16:22

Wanhib'apito zawi'õ'wa norĩ ma, 'Re ihâimana u'âsi mono hã, rowẽ'õ te te tãma 're apisutu mono za. Wanhib'apito, apâ we aimorĩ su'u za.

2 Zuwã 1:11

Sô 're atob'uzu za'ra wa'aba mono wamhã, isimiromhuri wasété na te za ime 're aiwasété za'ra wa'aba mo, ãma 're sasõmri za'ra wa'aba mono wa a norĩ wa'aba zama.

Zuize 17:1

Tawamhã Mica na aibâ nhisi hã te 're hâimana, Efraĩ ti'ai ãma ẽne 're ihâimana mono ãma.

Zuize 17:3

Tawamhã tina ma apâ 13 kilu na ipire pibuzém na prata isapotore te te tãma sõmri wamhã, te ãne ina tãma tinha: — Ĩ'ra, iwẽ'õ pisudu asisiwi hâimana tõ da hã, wa za ã hã prata na Uburé Danhib'apito ma ãma ĩnhopru. Tawamhã taha na te za wede na romhâibarĩ hã i'manha za. Duré ã hã ẽtẽ waipo prã prata na te za tô ãma ihâiba 'manharĩ upsibi mo, hâ su'u da. Tahawa wa za ãhã na apâ prata hã aima tisõ.

Zuize 5:23

Uburé Danhib'apito ma, hâiwa ãma romhuri'wa te tinha ãne: “'Ri nho'u Merozi 're, 're ihâimana za'ra mono norĩ ma, ipipa si tãma pisutu za'ra na. E marĩ wa. Ta norĩ hã isiptete norĩ zada, Uburé Danhib'apito te te siwi pawaptob da hã, si'aba'réi õ wa.”

Ruti 3:10

Tawamhã Buazi ma tô ãma tãma wa'rã, ãne: — Wa tô ĩsima wẽ, Uburé Danhib'apito si iwẽ hã te te aima 're pisutu mono da. Tô sena na aihâimana wẽ zém na ma asihâi'ré wẽ, aimaprebaba si'aibâ sisãnawã norĩ ma hã, aimaprebaba sipi'õ ipawapto wẽ zém nhipai u hã. E marĩ wa. A hã aibâ iprédupté isibro pese zô asima airĩtĩ õ wa, niha wamhã, duré isibrob'õ zô.

1 Samuéu 14:24

Tawamhã tô taha bâtâ na ma tô ab'uwa za'ra Izaraéu nhihudu norĩ hã mrap te. E marĩ wa. Sau hã ropisudu te te 'manharĩ wa, ãne: “Ni'wa hã ĩnhitob'ru norĩ hâiba na te 'ruiwa'âbâ za'ra wana ré, ã bâtâ na marĩ hã te te 'rẽne wamhã, ta hã te za dârâ.” Tahawa, ni'wa hã marĩ hã te te 'rẽne õ di, bâtâ wahuré na hã.

1 Samuéu 14:28

Tane nherẽ, te aibâ hã tãma tinha ãne: — Uburé mrap te wa norĩ hã wa tô ab'uwa za'ra ni, aimama hã te te wama amhâzépata za'ra wa, ãne: “Ni'wa hã ã bâtâ na hã marĩ te te 'rẽne wamhã, wa za ropipa hã tãma pisutu za!”

1 Samuéu 15:13

Tawamhã Samuéu ma tô Sau hã sõpẽtẽ. Tahawa, Sau hã te te sawi sina, te Samuéu ma tãma tinha ãne: — Samuéu, wa ĩsima wẽ Wanhib'apito 'Re ihâimana u'âsi mono si iwẽ hã te te aima 're sõmri mono da! Wa hã wa tô Wanhib'apito nhimiroti hã te 're wapari pese u'âsi.

1 Samuéu 23:21

Tawamhã Sau ma tô asa ãma tãma wa'rãmi za'ra ãne: — Wa ĩsima wẽ, Wanhib'apito si iwẽ na te te aipawaptob za'ra wa'aba da, ĩma i'manharĩ wẽ za'ra wa'aba wa'rãmimhã.

1 Samuéu 26:19

Apito, te za ĩwapa, za te aima inharĩzém na hã. 'Re ihâimana u'âsi mono, ĩzada aihâimana da, te te ai'rãi pi'rai wamhã, te za õ hã danhoprubzém na tãma asõpru wamhã tinhimirosa'rata na hã ai'ãma saprĩ za. Tane nherẽ, duré, ãne na hã nima norĩ aibâ te te siwi 'manharĩ wamhã, tô za ibâre 'Re ihâimana u'âsi mono nhimihâzé isisiwi waptã'ã za'ra da hã. E marĩ wa. Õ norĩ hã ma tô siwi ĩwaze, Wanhib'apito 'Re ihâimana u'âsi mono nhipti'a nhiti, wasiré a'uwẽ'õ norĩ nhipti'ai u, ro hã romhâibarĩ na si 're idawata za'ra mono zéb u.