Zuize 16:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã ãma ronomro pari, Sãsã, pi'õ Dalila na isisi ma tô sawi â, romharé Sorequi na isisi ãma 're ihâimana mono hã.

Zuize 16:4 ပူးပေါင်းရင်းမြစ်များ

Neemia 13:26

Tahawa wa tô tãma nharĩ za'ra ãne: — Wasiré a'uwẽ'õ norĩ sipi'õ na 're imro za'ra mono zarina, ma tô apito Saloma tiwasédé hã te te 're 'manharĩ. Aré dama isa'rese za'ẽtẽ uptabi, uburé daro mono bâ dama 're isi'apito za'ra mono norĩ nhipai u hã. 'Re ihâimana u'âsi mono hã te te 're sawi pese mono wa, ma tô uburé Izaraéu nhihudu norĩ ma si'apito da hã pisutu. Tane nherẽ, ma tô tiwasété u waptãrã.

Provébiu 22:14

Pi'õi wasété nhimirobzanhamrizé hã, ab're i'rehâ uptabi ne hã te 're hâimana. Taha 're, te ni'wam norĩ da, Uburé Danhib'apito, sada 're isiti'ru za'ra mono hã 're rere'e.

Provébiu 23:27

Pi'õ iwa'âbâ zô 're isisõmri za'ra mono hã duré pi'õ marĩ 'manharĩ wasété 'wa hã ab're i'rehâ uptabi ne.

Provébiu 26:11

Wapsã tinho'o te te 're huri mono da, apâ sô 're isi'ãsi za'ra mono ne, te za isimiza'rese'õ, tinhimiza'rese õ zarina marĩ hã te te 're ab'manharĩ zahu.

Provébiu 27:22

Trigu 'rã hã wa'ĩni na da te 're isu pese za'ra mono ne, isimiza'rese'õ, a hã 're wati mono nherẽ, te za õ hã iwana 're ihâimana mono zém ne tinhimiza'rese õ na hã te te ãma 're uzusi u'âsi.

1 Corĩtu 10:6

E marĩ, te tawamhã wama wasu'u za'ra, ãne na wahi'rata norĩ wasu'u hã. Ta norĩ ne, wawasété si, wa te wasima 're 'ruiwapari za'ra mono tõ da, te wama wasu'u za'ra.

Zuize 16:3

Tane nherẽ, Sãsã mara aiwa ãma isipo'o u si ma tô nomro. Taha pari oto utu wamhã, ma tô 'ri nho'õmo te 'ridawa za'ẽne hã tita, si'uiwa na 'ridawa uparizéb ré, duré 'ridawa tétézéb ré. Tahawa, tinhisé te te sima hiri wamhã, ma tô ti'â, ẽtẽ nhisi u, 'rinho'u Hebrõ nho'rei wa'waibaba.

Zuize 16:5

Tawamhã imrotõ na 'ri nho'õmo 're, filisteu norĩ ma i'rãnho'u 're ihâimana za'ra mono norĩ hã ma tô pi'õ tẽmemhã ai'aba'ré, te te tãma nharĩ za'ra da. Ãne te tãma nharĩ za'ra: — Ma'ãpé niha hã ai'rã nhipese na Sãsãhã ma, marĩ hã 'manharĩ, nima hawim na tinhiptetezé te te aima wasu'u da, taha zarina wa te waihu'u za'ra wa, oto sô wanhisisi wa, wa te wasiwi paihi wasisi da, si'wawimhã simapa ãna. Ãne sena 'manharĩ wamhã, wahâiba mono bâ wa za ẽtẽ waipo prã prata 1.100 na isapotore na aima sõmri za'ra ni za.