Ĩsisãnawã ĩma asawi pese aba norĩ, da te aima 're rob'manharĩ wasété za'ra wa'aba mono wamhã, 'Re ihâimana u'âsi mono upana asi'uihâ na 'râwi 're asi'ruiwa'âbâ za'ra wa'aba mono õ di za. Taha si, tinhimihâzém na te te 're ai'ruiwa'âbâ za'ra wa'aba mono da, te za õhõ si 're i'madâ'â za'ra wa'aba mo. Duréihã ãne na ma tô Wanhib'apito mreme na rob'ui'éré, Mozési hã: “Wa hã ĩsiwaprosi, wa za te 're da'a'ruiwa'âbâ. Ĩwétési, wa za te dama ãma 're awa'rãmi, marĩ, da te 're i'manharĩ wasété za'ra mono zém na hã.”
Zuize 15:7 - ꞌRe Ihâimana Uꞌâsi Mono Zadawa Wasuꞌu7 Tawamhã Sãsã te tãma nharĩ za'ra ãne: — Ãne hã 'manharĩ za'ra wa'aba ze te bâ, ĩsima iwẽ na ĩzahâ na ĩwa'utu da hã mare di za, aihâiba za'ra wa'aba na te 'ruiwa'âbâ zahuré õ ré hã. အခန်းကိုကြည့်ပါ။ |
Zuize 15:7
5 ပူးပေါင်းရင်းမြစ်များ
Tawamhã Uburé Danhib'apito pẽ'ẽzani, ma tô Sãsãhã nhiptetezé hã tãma tisõ, siptete na hâimana da. Taha pari, ma tô Asquerõ na 'ri wa'õtõ nhisi u hã si'ra. Tamomo te te si'rai wamhã, ma tô tame 30 na aibâ norĩ hã uprosi. Tawamhã da'uza ihâi baihâire na ãma 're isi'uza za'ra mono zé hã ma tô tiwi sani za'ra. Tahawa, ma tô ipréduptém norĩ marĩ isa'rese'õ na i'uwaibaba na te te ãma isada'âbâ za'ra ma hã tãma sõmri za'ra. Taha pari ma tô timama nhorõwa u hã oto mo, marĩ tãma ihâimana zarina sahi sina.
Tawamhã imama norĩ, ina me hã te te waihu'u zahuré õ di, Uburé Danhib'apito te te tãma iwaihu'uzéb zarina, Sãsã za ãne na marĩ te te i'manharĩzé hã. Tawamhã 'Re ihâimana u'âsi mono hã ma tô tãma rĩni, filisteu norĩ te te i'a'wapé da zô, tô taha bâtâ na Izaraéu nhihudu norĩ, nhib'rata 're hâimana za'ra mono wa.
Tawamhã filisteu norĩ te ãne ãma sisadanharĩ za'ra: — E 'wa, ma tô ãne hã 'manha. Tawamhã Sãsãhã wi, imaprewa, imro te te apâ tiwi i'âri, isiwaihu'u ma, te te tiwi tãma isõmri zarina, te te ãne i'manharĩzém na hã ma tô siwi waihu'u, filisteu norĩ hã. Tahawa ta norĩ hã ma tô Sãsãhã mro na aré tãma ihâiba hã imama me unhama na siwi ãma ro'o zahuré, hâiba ré.
ကြော်ငြာတွေ