Zuize 15:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã filisteu norĩ te ãne ãma sisadanharĩ za'ra: — E 'wa, ma tô ãne hã 'manha. Tawamhã Sãsãhã wi, imaprewa, imro te te apâ tiwi i'âri, isiwaihu'u ma, te te tiwi tãma isõmri zarina, te te ãne i'manharĩzém na hã ma tô siwi waihu'u, filisteu norĩ hã. Tahawa ta norĩ hã ma tô Sãsãhã mro na aré tãma ihâiba hã imama me unhama na siwi ãma ro'o zahuré, hâiba ré.

Zuize 15:6 ပူးပေါင်းရင်းမြစ်များ

Provébiu 22:8

Ni'wa hã marĩ iwasété na te te dama irob're zarina, te za ropipazéb si te te sima 're atehâri. Tawamhã marĩ iwasédé hã te za sô aipi'ra.

1 Tesalonita 4:6

Tane 're anomro aba mono õ di za. Isazei'wa norĩ hã, asisãnawã te 're anomro aba mo. Tahawa, asisãnawãi mro nherẽ, asiwi 're upi za'ra wa'aba mono õ di za, asiwi 're asimisaihuri za'ra wa'aba mono tõ da, aiwasédé hã duré asi'ãma 're 'manharĩ za'ra wa'aba mono tõ da. Tane, ni'wa hã tiwasédé te te 're 'manharĩ mono wamhã, 'Re ihâimana u'âsi mono hã te za niha tãma rob'manha. Ãne tô sena, wa tô aima waihu'u za'ra wa'aba ni, waihu'u pese za'ra wa'aba da. Tane nherẽ, wa duré ãma aima sahu za'ra wa'aba ni.

Zuize 12:1

Tawamhã Efraĩhĩ nhihudu si'aibâ norĩ, ma tô si'rã'õtõ, si'wapé za'ra da hã. Tahawa panho'u Zodã pa â na ma tô saprĩ za'ra, Zafõ na 'ri nho'õmo niwĩ. Tahawa, ma tô ãne Zéptéhé ma nharĩ za'ra: — E marĩ da, ma tô amonita norĩ a'wapé da hã asiwaprosi aiwato, wa norĩ zama asiré wasi'aba'ré da, wazô aihârâ za'ra ãna. Ãhã wa, wa za asõrõwa hã airé wasiwi ãma sazu ni!

Zuize 14:15

Tawamhã maparane si'uiwa na bâtâ ãma te Sãsãhã mro ma hã tãma nharĩ za'ra ãne: — Ma'ãpé aimro hã 'wapé na, te te aima wasu'u da, si'rep si isa'rese'õ ré ihâimanazé hã, te te aima hâi'ré da. Ãne hã marĩ tãma 'manharĩ õ wamhã, wa za aimama nhorõwa na airé ãma wasiwi sazu ni, ai'utõrĩ aba da. E taré bété wa'ãma asimisaihuri aba da si, ma tô wazô hã aihãsi 'wa.

Zuize 15:5

'Rãsitõ na hã ma tô oto te te ãma azazu. Tahawa, ma tô wapsã wawẽre norĩ hã iré te te wano'õ oto, filisteu norĩ amnho trigu te te 're izuri mono u iré sisa'rei mono da. Tawamhã trigu te te itehâri za'ra mono na si te te ãma tiwi ro'o za'ra mono õ di. Zahadu daburu na hâiwi isimasa mono na zama ma tô te te ãma tiwi sazu za'ra. Tahawa, oriwera wede na rob're zama ma tô te te ãma tiwi ro'o za'ra.

Zuize 15:7

Tawamhã Sãsã te tãma nharĩ za'ra ãne: — Ãne hã 'manharĩ za'ra wa'aba ze te bâ, ĩsima iwẽ na ĩzahâ na ĩwa'utu da hã mare di za, aihâiba za'ra wa'aba na te 'ruiwa'âbâ zahuré õ ré hã.