Zuize 14:3 - ꞌRe Ihâimana Uꞌâsi Mono Zadawa Wasuꞌu

³ Tane nherẽ, imama norĩ, ina me hã ma tô ãne ãma sada'âbâ zahuré: — E marĩ da, ma tô filisteu nhipi'õ zô si asima i'aba mo, isihâiwata nhihâri'õ norĩ wa'wab zô. E bété wasiré a'uwẽ norĩ 'remhã wasiwadi norĩ nhipi'õ asima 'masãmri da hã asima 'maiwẽ õ di, ãma i'aimro da hã. Tawamhã Sãsã, te duré timama ma tinha ãne: — Õ hã azarudu wa tô ĩsima wẽ pese. Õhõ si ĩma iwẽ uptabi hã.

Zuize 14:3 ပူးပေါင်းရင်းမြစ်များ

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Zenezi 21:27

Tawamhã Abra'ã, niha pone'ẽrebâ norĩ hã powawẽ me, ma tô te te simro, Abimelequihi ma, te te tãma sõmri za'ra da. Tahawa, ma tô roti na isisazezé hã sima 'manharĩ zahuré, itete na.

Zenezi 34:14

Tahawa te ãne tãma nharĩ za'ra: — Wahidiba, wa te wasiwi ihâiba za'ré da hã mare di, aibâ isihâiwata nhizâri õ, ãma imro da hã, ãne hã wama 're irowazéb za'ra mono zé wa.

Zozué 23:12

Tane nherẽ, ãma 're i'anomro aba mono zé 're rẽme za'ra wa'aba mono wamhã, a'uwẽ isi'mairẽme norĩ aiwazari wa'aba 're ihâimana za'ra mono norĩ me 're asihâiba tob za'ra wa'aba mono wamhã, duré ta norĩ me oto asina 're aimro za'ra wa'aba mono wamhã,

Zuize 14:2

Tahawa 'ri u apâ te te sina siri wamhã, ma tô timama ma, duré tina ma wasu'u ãne: — Timna ãma wa tô filisteu nhipi'õ azarudu iprédupté hã 'madâ. Tahawa, ma'ãpé ĩma waptẽrẽ aba, ãma ĩmro da.

Zuize 15:18

Tawamhã Sãsãhã ma 'rubu uptabi di. Tahawa ma tô Uburé Danhib'apito ma mre ãne: — A hã ma tô ĩma isõ, te da'ãma i'ai'utézé iwẽ uptabi hã. E ãhã nherẽ, 'rubu te, ĩdâ'â da hã te za ĩrẽ, ã hã a'uwẽ isihâiwata nhihâri'õ norĩ nhib'rata duré ĩwaptã'ã da hã.

1 Samuéu 14:6

Tawamhã Zonata te aibâ iprédupté isi'wapézé âri'wai ma tinha ãne: — Oto wane na, filisteu norĩ, ihâiba'õ 'Re ihâimana u'âsi mono upa na ãma 're iwata za'ra mono norĩ 're ihâimana wasété za'ra mono te te sima i'ri nhoré za'ra zéb u. Ãté te za Wanhib'apito wapawapto. Te te wapawaptob da hã wamhã, wa te ãma i'ai'uté za'ra zéb da hã wa'umro nherẽ marĩ hã te te wawi sawi waihu'u za'ra õ di za.

1 Samuéu 17:26

Tawamhã te Dawi hã dasi'wapéi 'manharĩ'wa norĩ, i'rata isimasam norĩ hã sadanharĩ za'ra ãne: — E marĩ te za ni'wa hã ti'â, ã hã filisteu te te wĩrĩ wa, taha zarina Izaraéu nhihudu norĩ ma te te ropese wa, te te anho'reptui wamhã. E 'wa bété ãhã, filisteu ihâimana wasédé hã. E tô ibâ 'Re ihâimana u'âsi mono te dasi'wapéi 'manharĩ 'wa norĩ zô ihârâ zahi za'ra zé hã.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.

1 Samuéu 31:4

Tawamhã Sau ma tô tãma isimnhi'ãsi 'wapéi'wai ma tinha ãne: — Ma'ãpé ĩzada wazere ate sib'ézé 'wapa hã ãma ĩwĩrĩ da, filisteu iwasété norĩ hã ĩ'ãma sima to za'ra tõ da, duré ta norĩ hã te te siwi ĩwĩrĩ tõ da. Tane nherẽ, isimnhi'ãsi 'wapéi'wa ma tô tipahi pese. Tahawa, te te sima wẽ õ di, ãne hã te te tãma i'manharĩ da hã. Tahawa, ma tô Sau hã tite sib'ézé 'wapa hã ti'â. Tawamhã si'uihâ na itẽme simei wa, ma tô oto 'râwi taha na sima apese.