Zuize 13:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Hâiwa ãma Romhuri'wa ma tô itẽme wi. Ta hã itẽme wisi wamhã, ma tô ãne tãma tinha: — Ai'ra waihu'u ãna te aré 're aimo. Tahawa aré niwamhã dana na hã 're aihâimana waihu'u mono õ di. Tane nherẽ, te za ãhã na hã oto aiwasã, ai'ra aima poto da.

Zuize 13:3 ပူးပေါင်းရင်းမြစ်များ

Zenezi 17:16

Ĩwẽ uptabi wa za te tãma 're anhomri. Tahawa wa za duré ai'ra aima tisõ, isé're hawimhã. Wa za tô iwẽ hã te tãma 're anhomri. Tahawa te za a'uwẽ wamri mono bâ da'ahâ uptabi hi'rata sipi'õ na dama 're hâimana. Te za isihudu norĩ 'remhã nima norĩ hã dama 're si'apito za'ra.

Zenezi 18:10

Tawamhã te Abra'ãhã ma, nimahã tãma tinha ãne: — Wahup tém na tô ã a'amo na wa za we apâ atẽme mo. Tawamhã taha na te za aimro Saraha ma, i'ra hã tãma podo. Tahawa, Sara 'ridawa ãma ibabarã na isa hã ma tô isimirobzanhamrizé sina wapa.

Zenezi 18:14

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Zuize 13:10

Tahawa imro ihâimanazéb u hã, ma tô sa'ẽtẽ wara. Tawamhã ma tô ãne tãma rowasu'u: — Aibâ nimahã na we ĩtẽme iwi hã, apâ ma tô duré we ĩtẽmemhã sihâi'ré.

Zuize 13:15

Tane nherẽ, Manoa te te waihu'u õ di, Uburé Danhib'apito ma Hâiwa ãma Romhuri'wa na, õ hã. Tahawa te ãne tãma tinha: — Ĩzawi na hã a'â aimorĩ tõ. Pone'ẽrebâ zéré uzé 'ra na aima iwanhipi hã a'â sapari. — Ĩnhamra wamhã, te 'rẽne dai õ di, asai wa'wa hã! — Ãne Hâiwa ãma Romhuri'wa ma te ãma tãma wa'rã. Te duré tãma tinha ãne: — Tane nherẽ, asima iwẽ zarina dasa 'manharĩ da wamhã, ma'ãpé Uburé Danhib'apito ma asõprubzéb da hã tãma zata.

Zuize 13:6

Tawamhã pi'õ, timro zô ma tô rĩni, te te tãma rowasu'u da ãne: — 'Re ihâimana u'âsi mono ãma aibâ 're imorĩ hã ma tô we ĩtẽme wi, te te ĩma rowasu'u da. Ta hã aiwa 'Re ihâimana u'âsi mono ma hâiwa ãma romhuri'wa ne. Tahawa ma tô sina ĩpẽ'ẽwara. Tahawa, wa hã te sadanharĩ õ di, nima hawi we imorĩzéb zô hã. Duré ĩma sisisi õ di.

Zuize 13:8

Tawamhã Uburé Danhib'apito ma, Manoa mreme wamhã, ma tô ãne tãma tinha: — Ĩte 'Re ihâimana u'âsi mono, aibâ ai'ãma 're ihâimana mono hã we isatõrĩ hã wa ãma aiwi waptẽ, we apâ watẽme satõrĩ da, te te ãma wama rowasu'u da, 'watébrémi poto wa, za marĩ wa te ãma i'manharĩzém na hã.

Zuize 2:1

Tawamhã Uburé Danhib'apito ma hâiwa ãma romhuri'wa Gilga na 'ri nho'õmo nhisi hawi ma tô mo, Boqui na romnhisi u. Morĩ wamhã, ma tô Izaraéu nhihudu norĩ ma nharĩ za'ra ãne: — Wa hã wa tô Ezitu hawimhã asani za'ra wa'wa, aihi'rata norĩ wa'aba ma, ti'a na te tãma iropisutuzéb u, te asimroi wa'aba mono da hã. Tahawa, wa tô tinha ãne: “Niwamhã te aima iropisutu za'ra wa'aba zé hã te ĩsiwi sitob õ di za, 'ridawa haré.

Zuize 6:14

Tawamhã Uburé Danhib'apito, Gidiãhã ma, ma tô tãma waihu'u ãne: — Ma'ãpé asiptete sina aimorĩ, Izaraéu nhihudu norĩ sõ'reptu za'ra da, midiãnita norĩ wi. Aimorĩ da, wa wa hã aima rob'ru.

1 Samuéu 1:20

Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.