Zuize 13:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Izaraéu nhihudu norĩ, Uburé Danhib'apito wi, ma tô tiwasédé hã apâ te te 're 'manharĩ za'ra. Tahawa 40 wahum na filisteu norĩ nhib'rata te te 're robzépata za'ra mono da hã, ma tô tãma pisutu za'ra.

Zuize 13:1 ပူးပေါင်းရင်းမြစ်များ

1 Samuéu 12:9

Tane nherẽ, ma tô aihi'rata norĩ wa'wa hã po're ha'âri za'ra Wanhib'apito 'Re ihâimana u'âsi mono ãma hã. Tahawa, ma tô Sisera 'rinho'u Hazo na isisi ãma dasi'wapéi 'manharĩ 'madâ'â'wai ma hâiba nhomri za'ra, filisteu norĩ ma hã, duré Moabi ãma apito ma hã, te te 'wapé za'ra wa, te te duré ãma ai'uté za'ra da.

Zuize 6:1

Tawamhã Izaraéu nhihudu norĩ, Uburé Danhib'apito wi, ma tô apâ tiwasédé hã te te 're 'manharĩ za'ra. Tahawa 7 wahum na midiãnita norĩ nhib'rata 're hâimana za'ra mono da, ma tô tãma hâiba nhomri za'ra.

Roma 2:6

Marĩ hã da te 're i'manharĩ za'ra mono zéb uwaibaba, te za 'Re ihâimana u'âsi mono hã te te dama 're awa'âbâ, iwẽ na hã duré iwasété na hã.

Zuize 3:7

Tawamhã Izaraéu nhihudu norĩ, ma tô Uburé Danhib'apito, tite 'Re ihâimana u'âsi mono na oto 're po're simrami pese za'ra. Duré tiwi 're wasété za'ra mono wamhã, ma tô cananeu norĩ te ihâiba'õ norĩ ãma dame ãma 're wata za'ra oto, Asera na ihâiba'õ nhisi ãma zama.

Zuize 2:11

Tawamhã Izaraéu nhihudu norĩ, Uburé Danhib'apito wi, ma tô tiwasédé hã te te 're 'manharĩ za'ra. Ma tô duré cananeu norĩ te ihâiba'õ norĩ na ãma 're wata za'ra.

Zuize 10:6

Tawamhã Izaraéu nhihudu norĩ, ma tô apâ Uburé Danhib'apito wi tiwasédé te te 're 'manharĩ za'ra. Ma tô ihâiba'õ Baauhu ãma, 'ri nho'õmo mono bâ 're wata za'ra, ihâiba'õ Asitaroti ãma, Siria norĩ te ihâiba'õ ãma, Sidõ norĩ te ãma, moabita norĩ te ãma, Amo norĩ te ãma, duré filisteu norĩ te ãmamhã. Tahawa ta norĩ, Uburé Danhib'apito te te siwi rẽme pese wa, ãma 're wata za'ra mono õ di oto.

Zuize 4:1

Tawamhã Eudi dâ'â parimhã, Izaraéu nhihudu norĩ, ma tô duré Uburé Danhib'apito wi apâ 're wasété za'ra.

Hebreu 11:32

Ãne na 'Re ihâimana u'âsi mono si, da te dasina 're i'umnhasi za'ra mono zém na, ahâ uptabi na te ãma aima rob'rãzarõtõ za'ra wa'aba neza. Ãhã wamhã, ĩnhimirob'rãzarõno hã te aré sina tipahâ. E marĩ wa. Ahâ uptabi wa. Ahâ uptabi di tô, 'Re ihâimana u'âsi mono te te sina 're i'umnhasi za'ra mono norĩ hã, zahadu te ãma aima irowasu'u za'ra wa'aba õ hã: Gidiã hã, duré Baraqui, duré Sãsã, duré Zepté, duré Dawi, duré Samuéu, duré aimawi norĩ hã uburé 'Re ihâimana u'âsi mono zadawa 'mahârâ 'rata 'wa 're ihâimana za'ra mono norĩ hã.

Zuize 12:15

Tawamhã duré dâ'â wamhã, ma tô ãma dasiwi ti'a ni, Piratõ na 'ri nho'õmo nhisi ãma, Efraĩ ti'a niwĩ 're ihâimana mono ãma, amalequita norĩ nhipti'ai ãma ẽtẽ za'wari ne niwĩ.

Zuize 15:11

Tawamhã aibâ Zuda ãma hã 3 miu na Sãsãhã ma, te te nharĩ za'ra da hã, ma tô itẽmemhã ai'aba'ré, Etã ãma ẽtẽ na ab're ihâimana u. Tahawa, te ãne tãma nharĩ za'ra: — E aima waihu'u ã bâ, filisteu norĩ te te wama 're irob'ru za'ra mono na hã. E marĩ wa, ma tô ãne hã wama i'manharĩ za'ra. Tawamhã Sãsã, ma te ãne ãma tãma wa'rãmi za'ra: — Õ norĩ hã marĩ te te ĩma i'manharĩ za'ra zéb zarina si, wa tô tãma 'manharĩ za'ra asa.

Zuize 15:20

Tawamhã Sãsã, Izaraéu nhihudu norĩ ma, 20 na ãma iwahum na i'rãnho'õmo na ma tô 're sa, ti'a filisteu norĩ nhimi'madâ'â na 're hâimana mono ré.

1 Samuéu 4:9

Tane nherẽ, ma'ãpé filisteu norĩ, asiptete za'ra wa'aba! Duré aibâ na te za i'wapé za'ra wa'wa. Ãnei õ wamhã, wapawa'âbâ ãna wa za hebreu norĩ ma, wa te 're romhuri za'ra za, õ norĩ hã pawa'âbâ ãna te te wama 're iromhuri za'ra mono ne. Tahawa, te za tô sada asi'aibâ za'ra wa'wa, 'wapé za'ra wa'aba da hã.

1 Samuéu 7:13

Ãne ma tô filisteu norĩ ãma hã ai'uté za'ra ni. Duré tawamhã Uburé Danhib'apito hã te te tãma sa'ré za'ra õ di, dawi isisisi da hã, Izaraéu nhihudu norĩ nhipti'ai u hã, Samuéu 're hâimana mono ré hã.

Zuize 10:7

Tahawa Uburé Danhib'apito, Izaraéu nhihudu norĩ zada sahi za'ra wa, ma tô filisteu norĩ nhib'rata, duré amonita norĩ nhib'rata te te 're robzépata za'ra mono da tãma hâiba za'ré za'ra.

Zuize 14:4

Tawamhã imama norĩ, ina me hã te te waihu'u zahuré õ di, Uburé Danhib'apito te te tãma iwaihu'uzéb zarina, Sãsã za ãne na marĩ te te i'manharĩzé hã. Tawamhã 'Re ihâimana u'âsi mono hã ma tô tãma rĩni, filisteu norĩ te te i'a'wapé da zô, tô taha bâtâ na Izaraéu nhihudu norĩ, nhib'rata 're hâimana za'ra mono wa.