Zuize 12:3 - ꞌRe Ihâimana Uꞌâsi Mono Zadawa Wasuꞌu

³ Tahawa wa hã asiwi ĩpawaptob za'ra wa'aba õ zém na, te ai'madâ'â za'ra wa'aba wa, wa tô te ĩsima romnhimimnhasi nherẽ hã mo tô, ta norĩ te a'wapé da hã. Tawamhã ãne nherẽ, ma tô Uburé Danhib'apito ĩma tisõ tô, te da'ãma i'ai'utézé hã. Ãne nherẽ, e marĩ da, te we bété ĩzô ai'aba'réi wa'wa, asiwi ĩ'wapéi wa'aba da, ãhã na hã.

Zuize 12:3 ပူးပေါင်းရင်းမြစ်များ

Salmu 119:109

Wa hã wa 're ĩhâimana u'âsi, romnhimimnhasi 'remhã. Tane nherẽ, asimiroti ma hã 're ĩrĩtĩ si'ẽi mono õ di, ãma 're ĩpo're simrami mono õ wa.

Roma 16:4

Ta norĩ hã ĩsiré te te 're iromhuri pese zahuré mono, Cristu Zezusihi wasu'u na. Ta norĩ hã da te pãrĩ da nherẽ, ma tô sisawi ãna te te 're ĩpawaptob u'âsi zahuré, pahi ãna. Tahawa, te te 're ĩpawaptob zahuré mono zém na, wa tô te 're uzei u'âsi zahuré. Tane nherẽ, ĩwétési te ãma 're uze zahuré mono õ di. Uburé zudeu'õ norĩ hã isazei'wa norĩ hã te duré te te ãma 're uzei u'âsi za'ra, daro mono bâ siré 're isi'rã'õtõ mono norĩ hã.

Apocalipsi 12:11

Pone'ẽrebâ hã dazada idâ'âzéb zarina, ma tô wasiré isazei'wa norĩ hã ãma ai'uté za'ra, Satanasihi ãma. Iwasu'uwẽ hã sena na te te dama 're isadawa wasu'u za'ra mono zém na zama, ma tô ãma ai'uté za'ra. Duré da te 're 'ruiwapari za'ra mono wa, dawi 're sihâiba zawi za'ra mono õ di, 're dâ'â tõ za'ra mono da. Tahawa, 'Re ihâimana u'âsi mono wi sipizari ãna, ma tô duré Satanasihi ãma ai'uté za'ra.

Zuize 11:27

Mare di, wa hã! Marĩ te 'manharĩ õ di, taha u'âbâ asada ĩhâimana za'ra wa'aba da hã. Aiwétési ma iwasédé hã i'manha, ĩ'wapé da, asima iwẽzéb zarina. Uburé Danhib'apito si, da'ãma rowairébé'wa hã. Tahawa, te za taha si nimahã i'uwaibaba ma, tãma rowairébé zahuré, niha wamhã, Izaraéu nhihudu norĩ ma, niha wamhã duré amonita norĩ ma hã.

Zuize 12:2

Tawamhã Zépté, ma te ãne ãma tãma wa'rãmi za'ra: — Wa hã ĩnhib'a'uwẽ ré, amonita norĩ me wasisada iwahâimana za'ra zé watobro wamhã, wa tô aré asô ĩhârâ za'ra wa'wa. Tane nherẽ, a norĩ wa'wa hã tiwi ĩnho'reptu za'ra wa'aba õ di.

Zuize 12:4

Tawamhã Zépté, uburé Ziliadi ãma aibâ norĩ ma tô 'rã'õtõ. Tahawa, ma tô Efraĩhĩ nhihudu si'aibâ norĩ hã 'wapé za'ra. Te te 'wapé za'ra wamhã, ma tô ãma ai'uté za'ra, Zépté norĩ hã. Efraĩhĩ nhihudu norĩ hã ma tô õne wana ré tãma nharĩ za'ra: “A norĩ wa'wa Ziliadi norĩ, Efraĩhĩ nhipti'ai ãma, duré Manaséhé nhipti'ai ãma 're i'aihâimana za'ra wa'aba mono, ma tô Efraĩ hã irẽme za'ra wa'wa.” Ãne na hã te te tãma nharĩ za'ra wa, ma tô ãne hã tãma rob'manharĩ za'ra.

Zuize 9:17

Ma'ãpé ĩmama ai'ãma isi'wapé za'ra wa'aba zém na hã, ãma aipo're pu'u za'ra wa'aba. Ta hã ma tô midiãnita norĩ wi te te asõ'reptu za'ra wa'aba da, tãma simimnhasi nherẽ, ai'ãma da'wapé za'ra wa'wa.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.

1 Samuéu 28:21

Tawamhã ma tô pi'õ hã 'râwi itẽme wi. Tahawa, ipahizém na ma tô 'madâ. Tahawa, te ãne tãma tinha: — Wa hã te ĩsima romnhimimnhasi nherẽ, wa tô ĩwi iwaptẽrẽzé hã 'manha tô.