Zuize 1:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa Adoni-Bezequi hã ma tô tiwi aimani za'ra. Tane nherẽ, isarina sisa'rei mono wa, ma tô siwi ti'â. Tahawa, ma tô siwi siptõmohi na'rata nhihâ. Ma tô duré siwi paradub'rã na'rata nhihâ.

Zuize 1:6 ပူးပေါင်းရင်းမြစ်များ

Ezodu 14:26

Tawamhã Uburé Danhib'apito, te Mozésihi ma tinha ãne: — Asib'rada hã, ma'ãpé duré â nhisiwimhã wẽ na, apâ sitẽme sitob da, ezipsiu norĩ hã ite wedewara zapore na dasi'wapézé hã, duré awaru na 're isi'wapé za'ra mono norĩ hã, te te uburé pese suwa za'ra da.

Zuize 1:5

Tawamhã tame Adoni-Bezequi ma tô siwi sõpẽtẽ. Te te siwi sõpẽtẽ wamhã, ma tô siwi 'wapé. Tahawa, cananeu norĩ ãma, duré perizeu norĩ ãma, ma tô ãma ai'uté za'ra.

Zuize 1:7

Ãhã wa, te Adoni-Bezequi hã tinha ãne: — Wa hã wa tô ti'ru, 70 na apito norĩ nhiptõmohi na'rata za'ra hã, duré iparadub'rã na'rata za'ra hã, da te tiwi sihâri za'ra da. Ta norĩ hã ma tô ĩte wedeza zahâpâ dasai'a'a hã te te 're waibu. Tahawa, ãhã na awa'awi na hã 'Re ihâimana u'âsi mono, ma tô ãne hã ĩma 'manha, ta norĩ ma, te 're i'ab'manharĩ mono zém ne hã. Tawamhã Adoni-Bezequi, 'rinho'u Zeruzalẽ u ma tô dasiwi saprõni ni. Tahawa, tame ma tô oto dârâ.