Zuéu 3:13 - ꞌRe Ihâimana Uꞌâsi Mono Zadawa Wasuꞌu

¹³ A'uwẽ norĩ wasédé hã sa'ẽtẽ uptabi di. Tahawa te za ta norĩ hã asiwi i'uprosi 'wa, trigu 're 'rãi 'ré za'ra mono wa, da te dasiwi 're itehâri za'ra mono ne, duré uwa 'rã iwa'u zô, da te 're iwati'i za'ra mono ne, i'rãi wa'u hã 're ipu'u za'ra mono zéb u isémezém hawimhã.”

Zuéu 3:13 ပူးပေါင်းရင်းမြစ်များ

Zenezi 13:13

a'uwẽ wasété uptabi na si 're ihâimana za'ra mono ãma, tiwasété si 'Re ihâimana u'âsi mono zada, te te 're i'manharĩ za'ra mono zéb ãma.

Zenezi 15:16

Asihudu norĩ, maparane si'uiwa na ãma idapoto ãmap si te za apâ we sina siri za'ra. E marĩ wa. Zahadu amoreu norĩ wasété zé ibâ na hâimana õ wa, niha na te tãma irob'manharĩ za'ra da hã.

Zenezi 18:20

Tawamhã Uburé Danhib'apito, te Abra'ãhã ma oto tinha ãne: — Sodoma norĩ ãma Gomora me, iwasédé da te ãma 're inomri zahuré mono zé sa'ẽtẽ uptabi di. Duré iwa 're idahâimana za'ra mono norĩ wasété za'ra zé hã pire uptabi di.

Mateu 13:39

Duré buru tede'wa nhitob'ru hã wab'ru iburu na te te tiwi i'azuri mono wa'uburé norĩ nhib'apito te wasu'u, tô õ hã. Duré da te 're iroptehâri za'ra mono zé hã rob'rãsutuzéb ãma za da'ãma isipo'ozé, te wasu'u. Duré buru nho ubumroi'wa norĩ hã hâiwa ãma 'Re ihâimana u'âsi mono ma, romhuri'wa norĩ, te wasu'u.

Marcu 4:29

'Rãi 'ré wapsi, te za oto 'rãihâ, ro'wa na aibâ hã, bâdâ hã oto iwa waptã'ã wa, te te itehârizéb da hã.

Apocalipsi 14:14

Tawamhã wa tô duré 'madâ. Te 'madâ'â wamhã, hâiwa'a hã te za. Isisiwimhã aibâ hã te nhamra, ti'ai ãma dasiré ipodo hã ẽtẽ waipo pré oru 'manharĩ na 'rãzaza ré. Roptehârizéb ré zama te nhamra, i'wa pese ré.

Apocalipsi 19:15

Duré awaru irã na isãmra zadai'ré hawimhã, te sib'ézé 'wa si'uiwa i'wa pe hã aipra. Taha na, te za da'ãma ai'uté, daro mono bâ 're idahâimana wasété za'ra mono norĩ ãma hã. Simiwada'uri nhiptete na te za duré te te 're da'awada'uri. Uwa 'ru 'rã hã ẽtẽ're 're, iwa'u zô da te 're wati za'ra mono wamhã, te za iwa'u hã 're pu'u za'ra. Tane te za dawapru hã dawi 're pu'u za'ra, 'Re ihâimana u'âsi mono isiptete uptabi hã sa'ẽtẽ te te 're da'ahâ za'ra mono wamhã.