Zuéu 3:1 - ꞌRe Ihâimana Uꞌâsi Mono Zadawa Wasuꞌu

¹ Uburé Danhib'apito hã te tinha ãne: — Taha wahu mono 'remhã, wa za pisutu, Zeruzalẽ ãma 're idahâimana za'ra mono norĩ hã duré Zuda na romnhisi ãma 're idahâimana za'ra mono norĩ hã apâ rowẽ na duré simarĩ ahâ na 're hâimana za'ra mono da.

Zuéu 3:1 ပူးပေါင်းရင်းမြစ်များ

Salmu 14:7

Izaraéu nhihudu norĩ nho'reptuzé hã Zeruzalẽ hawi ihâimana da hã, wa ĩsima wẽ. Uburé Danhib'apito, Zacoho nhihudu norĩ apâ te te simarĩ pese za'ra wamhã, te za to sina 're hâimana za'ra oto.

Provébiu 1:23

Ĩwapari za'ra wa'aba, niha na aihâimanazé te aima ihiri za'ra wa'aba zém na hã. Wa hã roti iwẽ si wa za aima sõmri za'ra wa'wa. Ĩnhimirosa'rata wẽ hã wa za aima hâi'ré za'ra wa'wa.

Daniéu 12:1

Hâiwa hawi romhuri'wa hã te zahadu duré ĩma rowasu'u ãne: — Ãne na we 're romhâimana mono ré hã, te za hâiwa ãma romhuri'wa Migueu hã we oto sihâi'ré, 'Re ĩhâimana u'âsi mono nhib'a'uwẽ 'wawi 're isimapa mono 'wa hã. Taha ré, ropire uptabi na te za tiromhâiba za, niwa daza'rui mono bâ a'uwẽ 're ihâimana za'ra mono ma, ãne hã we iromhâimana mono õ, ã wamhã. Tane nherẽ, tô we iromhâimana mono zém na hã te za 'Re ĩhâimana u'âsi mono te, ibaihâ 're, isisi ui'éré ré norĩ hã uburé sõ'reptu za'ra, tinhib'a'uwẽ hã.

Zuéu 2:29

Pawa'âbâ ãna dama romhuri'wa norĩ si'aibâ ma, wa za ãma ropé, Ĩpẽ'ẽzani na hã, pawa'âbâ ãna dama romhuri'wa norĩ sipi'õi ma zama, tô taha bâtâ mono na hã.