Zuéu 2:9 - ꞌRe Ihâimana Uꞌâsi Mono Zadawa Wasuꞌu

⁹ Ta norĩ hã te duré 'ri'ahâ simiza'rese õ ré te te 're susi za'ra. Te duré 'ri 'wawi wa'ra 'rãihâ na te te 're sai'uri za'ra. Taha pari, te duré 'ri na'rata na te te 're sai'uri za'ra, zanela 'ri zadazâri na 're sisisi mono da, isimisaihuri norĩ ne.

Zuéu 2:9 ပူးပေါင်းရင်းမြစ်များ

Ezodu 10:14

Tahawa, ta norĩ hã Ezitu ti'ai 're uburé te te iropéi mono hã ma tô ahâ uptabi na nemo te te rob'rãi'ré, daro mono bâ. Romhâimana wana ré niwa ãne na ihâimana õ, duré niwa ãne na iromhâimana da hã mare di za oto.

Ezodu 10:6

Nemo te za tawamhã duré asimiromhurizé 'ri za'ẽne hã siwi 'ri 're nhito. Duré aima romhuri'wa norĩ nhorõwa zama hã, duré asib'a'uwẽ norĩ nhorõwa zama hã te za uburé te te siwi 'ri 're nhito. Ã hã aimama norĩ, duré aihi'rata norĩ te te 're i'madâ'â za'ra mono nhipai u te za iwasété uptabi hã aima tihâimana za'ra wa'wa.” Tawamhã Mozési, ãne na te te tãma rowasu'u pari, ma tô õne haré isimiromhurizé 'ri hawimhã oto watobro.

Zuéu 2:8

Sisãmra mono ãna, te sisõwamhã te te ropãrĩ za'ra mono sina, sisõré pese na ai'aba'réi u'âsi, hâiba mono bâ tite na bâdâdi na si. Danhimnhi'ã hã 'maihâimana õ di, te te isõwada za'ra da hã.

Zuwã 10:1

Tawamhã Zezusi te duré pone'ẽrebâ tede'wai wasu'u hã dama wasu'u. Ãne te dama wasu'u: — Tô sena wa za aima rowasu'u za'ra wa'wa, pone'ẽrebâ tede'wai wasu'u na. Pone'ẽrebâ hã wa'ra 're, 're simi'wara mono wamhã, isimisaihuri hã 'ridawa u, sô 're sisisi mono õ di. Wa'ra na si te za sô 're sarõtõ za'ra.