Zuéu 2:8 - ꞌRe Ihâimana Uꞌâsi Mono Zadawa Wasuꞌu

⁸ Sisãmra mono ãna, te sisõwamhã te te ropãrĩ za'ra mono sina, sisõré pese na ai'aba'réi u'âsi, hâiba mono bâ tite na bâdâdi na si. Danhimnhi'ã hã 'maihâimana õ di, te te isõwada za'ra da hã.

Zuéu 2:8 ပူးပေါင်းရင်းမြစ်များ

Neemia 4:17

'ri 'wawi wa'ra apâ te te siwi i'manharĩ za'ra norĩ ma. Duré 'rizé 'manharĩ 'wapéi'wa norĩ hã te nasi tinhib'rata amo niwĩ romhuri hã ãma 'manharĩ za'ra. Taha ré, te duré nasi tinhib'rata amo niwĩmhã tinhimnhi'ã te te tété za'ra.

Neemia 4:23

Tawamhã wa hã, ĩsisãnawã norĩ, aibâ ĩma i'umnhasi norĩ, duré ĩsiré rob'madâ'â'wa norĩ me wa'uza za'ra wa te nasi sani za'ra õ di, wanhotõ za'ra da hã. Wahâiba mono bâ wa tô duré wanhib'ratam haré wanhimnhi'ãsi ré, wahâimana u'âsi za'ra.

Provébiu 30:27

'riti norĩ si'apito ãna 're hâimana za'ra mono nherẽ, sisarina sõré pese na 're isi'aba'réi mono;

Zuéu 2:7

Te duré te te 're da'wapé za'ra, dasi'wapéi 'manharĩ'wa norĩ isib'ru ne hã. Te duré 'ri 'wawi wa'ra 'rãihâ na te te 're sa'uri za'ra, sima iwẽ na. Ropãrĩ sina te duré wa'õmo pese na 're nomro, nima niwĩ siwi sipéi ãna.

Zuéu 2:9

Ta norĩ hã te duré 'ri'ahâ simiza'rese õ ré te te 're susi za'ra. Te duré 'ri 'wawi wa'ra 'rãihâ na te te 're sai'uri za'ra. Taha pari, te duré 'ri na'rata na te te 're sai'uri za'ra, zanela 'ri zadazâri na 're sisisi mono da, isimisaihuri norĩ ne.