Zuéu 2:30 - ꞌRe Ihâimana Uꞌâsi Mono Zadawa Wasuꞌu

³⁰ Wa za duré niha na hã rob'manha, marĩ isa'rese'õ ipipa na, za hâiwa na iwairébé da hã, duré ti'a na, za marĩ iwairébé mono da hã. Dawapru pu hã te za duré tihâiba. Unhama norĩ hã, isizédé me, te za duré tipusi zahuré.

Zuéu 2:30 ပူးပေါင်းရင်းမြစ်များ

Zenezi 19:28

Tawamhã Sodoma norĩ nho'õmoi baba Gomora me, uburé romharé na zama ma tô te te rob'madâ'â. Tahawa, ma tô ti'ai hawimhã unhama nhizé 're isi'ré mono hã 'madâ, robzebrezém hawi unhama nhizé 're isi'réi mono ne hã.

Mateu 24:29

Ãne na ma duré tãma waihu'u siromo za'ra: — Tawamhã da te 're robzépata za'ẽtẽ za'ra mono parip si, awa'awi te za bâtâ na tirobra. A'amo zama te te rob'uiwẽ õ di za oto. Wasi norĩ hã te za duré rere, hâiwa hawi. Uburé hâiwa na 're isimasa mono hã te za duré 're sisa're.

Luca 21:11

Nima niwĩmhã te za duré ti'a hã daré 're popo'o za'ra, sa'ẽtẽ. Nima niwĩmhã, danho õ wa, te za da te 're robzépata za'ra, dasa surure wa. Nima niwĩmhã te za duré dahâzé ipire uptabi hã te te 're daduri. Marĩ ipipa hã te za duré hâiwa nho're na danho'a 're wairébé.

Zozué 8:20

Tawamhã Ai ãma aibâ norĩ siwa'rãmi te te rob'madâ'â za'ra wamhã, ma tô hâiwa u unhama nhizé isi'réi mono hã siwi 'madâ. Tane nherẽ, nima niwĩ sisa'rei waihu'u mono õ di. E marĩ wa. Izaraéu nhihudu norĩ, a'ubuni wi supara 'ré si ro 're isa'wari mono u tãma isisa'rei mono hã apâ sitẽmeb za'ra hã sô sito mono wa, te te i'wapé za'ra da hã siwi.

Apocalipsi 18:18

Tawamhã ã norĩ hã 'ri nho'õmo nhizé, te te sãmri za'ra wamhã, te za duré 're sadari za'ra. 'Re sadari za'ra mono sina, te za ãne sima nharĩ za'ra: — Õ hã 'ri nho'u hã iwẽ uptabi aré. Isine hã 'ri nho'u hã i'maihâimana waihu'u õ.

Apocalipsi 18:9

Tawamhã daro mono bâ danhib'apito norĩ hã dama ipire za'ra norĩ hã ã pi'õ na 're ihâimana wasété za'ra mono norĩ hã pi'õ izata nhizé te te sãmri za'ra wamhã, te za ãma aiwa'õ za'ra.

Apocalipsi 8:7

Tawamhã imorĩ'rada hã ma tô tinhimnhihârâzém na amnhihârâ. Simnhihârâ wi, ma tô tãzâ hã rere ti'ai u, unhama zama. Dawaprui wazari, ma rere uzâ hã, duré tãzâ hã. Ti'ai u rere'e wamhã, daro mono bâ ma tô ti'a hã zada, iwãiwa prã na. Wede hã 're isimasa mono hã ma tô duré si'uzâ, isa'ratazé wãiwa prã na. Du zama hã ma tô uburé sihõmo, daro mono bâ.

Zuize 20:38

Tawamhã Izaraéu nhihudu norĩ dasi'wapéi 'manhari'wa, aibâ norĩ isima'uri za'ra norĩ me, ma tô pibui pese na za marĩ iwatobrozé te te iwasu'uzém na hã ãma sima rowasu'u pese za'ra ãne: Romnhizé 'ri nho'õmo nhisiwi hâimo isi'réi mono te te 'madâ'â za'ra wamhã,

Zuize 20:40

Tawamhã za marĩ oto ihâimanazéb da iwasu'uzé hã, ma tô oto watobro. 'Ri nho'õmo hawimhã romnhizé ma tô 're isi'réi mono na hã oto tinhana'rata. Tawamhã Bẽzamihĩ nhihudu norĩ sibabarãi u te te 'madâ'â za'ra wamhã, ma tô tãma tipẽ'ẽwara pese za'ra, uburé 'ri nho'õmo 're, 'ri norĩ uzâ te te waibui mono wa.