Zuéu 2:27 - ꞌRe Ihâimana Uꞌâsi Mono Zadawa Wasuꞌu

²⁷ Tawamhã te za ĩwaihu'u za'ra wa'wa, wa hã aiwa'wa wa'aba 're ĩhâimana mono na, Izaraéu nhihudu norĩ wa'wamhã. Te za duré ĩwaihu'u za'ra wa'wa, wa hã Asib'apito wa'wa, misire ate za'ra wa'wa 'Re ihâimana u'âsi mono na, duré aimawi ĩsine i'maihâimana õ na hã. Duré ĩnhib'a'uwẽ norĩ, niwamhã isiséb zahu za'ra da hã mare di za.”

Zuéu 2:27 ပူးပေါင်းရင်းမြစ်များ

Provébiu 1:23

Ĩwapari za'ra wa'aba, niha na aihâimanazé te aima ihiri za'ra wa'aba zém na hã. Wa hã roti iwẽ si wa za aima sõmri za'ra wa'wa. Ĩnhimirosa'rata wẽ hã wa za aima hâi'ré za'ra wa'wa.

Zuéu 2:26

A norĩ wa'wa hã te za 're asaihuri u'âsi aba mo, 're i'mahâpãrĩ za'ra wa'aba mono zéb u. Tahawa, te za ĩ'ãma si 're aiwata u'âsi za'ra wa'aba mo, wa hã Asib'apito za'ra wa'wa 'Re ihâimana u'âsi mono, ai'u'âbâ za'ra wa'aba, marĩ isa'rese'õ iwẽ hã te 're i'ab'manharĩ mono zém na. Tawamhã ĩnhib'a'uwẽ norĩ hã niwamhã isiséb zahu za'ra da hã mare di za.

Zuéu 3:17

'Re ihâimana u'âsi mono hã te tinha ãne, tinhib'a'uwẽ norĩ ma: “Ãne te za a norĩ wa'wa hã iwaihu'u za'ra wa'wa, wa hã Asib'apito za'ra wa'aba na, duré ate za'ra wa'wa 'Re ihâimana u'âsi mono na. Siã nhisi ãma wa 're ĩnhamra, ĩte sa'a iwazéb zahi ãma. Zeruzalẽ hã te za 'ri'ahâ iwazéb zahi na 're hâimana. Tawamhã a'uwẽ dasiré'õ norĩ hã niwamhã te te ãma i'ai'uté za'ra da hã mare di za.

2 Corĩtu 6:16

Romhâiba 'manharĩ hã ãma 're idawata za'ra mono zé hã, e 'Re ihâimana u'âsi mono nhorõwa 'ri 're, te aré da te 're sa'ra, 'ri wa. Mare di. E marĩ wa. Aiwab õ wa, dama hã. Tane duré, wa norĩ hã 'Re ihâimana u'âsi mono ãma 're iwata za'ra mono õ norĩ siré, 're wahâimana waihu'u za'ra mono õ di za oto. E marĩ wa. 'Re ihâimana u'âsi mono hã wapẽ'ẽ 're, wa'ãma 're sõrõwa za'ra mono wa oto. Tahawa, 'Re ihâimana u'âsi mono nhorõwa ne, wa oto 're wahâimana za'ra wasiré isazei'wa norĩ hã, 'ri 'rãihâ wam ne, wapẽ'ẽ 're, 're sãmra mono wa oto. Duréihã 'Re ihâimana u'âsi mono zadawa 'mahârâ'wa norĩ hã ma tô imreme na rob'ui'éré za'ra, romhâ ré isib'a'uwẽ norĩ ãma hã, ãne: “Ĩnhib'a'uwẽ norĩ siré, wa za oto 're ĩhâimana u'âsi za'ra, 'râwi i'rata. Wa za duré tô isiré 're ĩmorĩ u'âsi za'ra. Isib'apito, wa za oto tãma 're ĩhâimana za'ra. Tawamhã ĩnhib'a'uwẽ te za duré ĩma 're hâimana za'ra.”

1 Pedru 2:6

Duréihã iwana ré 'Re ihâimana u'âsi mono, ma tô ẽtẽ na Zezu Cristuhu ãma simiré'é. Ãne te tawamhã taha na tinha: “Ẽtẽ tõmo wawẽ hã wa tô pisutu, ĩnhorõwa ãma te hiri da, Siã na 'ri nho'õmo nhisi ãma. 'Ri na'rata wẽ'ẽzéb ãma wa za tihi, 'ri hã siptete na sab da. Ẽne hã ĩma wẽ uptabi di. Ĩma sawi uptabi di duré. Taha umnhasi sina 're dahâimana za'ra mono wamhã, iwẽ na za te te dama ãma 're a'uwaimrami u'âsi mono wa, dawi 're robzei'õ za'ra mono õ di za.”

Apocalipsi 21:3

Tawamhã damreme 'rãihâ hã wa tô duré wapa, danhib'apito simasisizém hawi we te te inharĩ hã. Ãne te we ĩma tinha: — Ma'ãpé, waihu'u. 'Re ihâimana u'âsi mono hã te za oto dasiré 're hâimana u'âsi, 'râwi. Isib'a'uwẽ te za oto 're dahâimana u'âsi za'ra. Te za tô oto duré dasiré 're hâimana u'âsi. Isib'apito za'ra te za oto 're hâimana, 'Re ihâimana u'âsi mono hã.