Zuéu 2:22 - ꞌRe Ihâimana Uꞌâsi Mono Zadawa Wasuꞌu

²² Abaze norĩ, aipahi za'ra wa'aba tõ, du hã ãma 're i'asaihuri aba mono zéb da hã, za apâ uzé za'ra mono wa. Wede norĩ hã te za duré oto apâ ti'rã za'ra. Duré figuera hã 'rãi pese di za, uwa'ru 'rã zama.

Zuéu 2:22 ပူးပေါင်းရင်းမြစ်များ

Zenezi 4:12

Tahawa duré ti'a na 're rob're mono da, sada 're ropese mono wamhã, aima 're i'rãi mono da hã mare di za. A hã te za hâiwi si õne u'â daro mono bâ 're aimo.

Salmu 36:6

Ẽtẽ 'rãihâ rési ãna 're isa mono ne, te i'uwaibaba na si dama 're i'arowairébé mono zé hã 're hâimana. Duré â poré â 'rehâ uptabi ne, te dama 're i'apisutu mono zé hã 're hâimana. Uburé Danhib'apito, a hã te a'uwẽ norĩ hã, abaze norĩ me 're i'ab'madâ'â pese mo.

Zona 4:11

E i'uwaibaba õ di bété, Niniwé 'ri nho'õmo za'ẽtẽ ãma 're idahâimana za'ra mono norĩ ãma ĩpẽ'ẽzé da hã, rob're nhipai u. Tô i'uwaibaba da'ãma ĩpẽ'ẽzézé hã. E marĩ wa. 120 miu na iwa 're dahâimana za'ra mono wa, 're idanomro wẽ mono na, duré 're idanomro wasété mono na da te dasina 're iwaihu'u za'ra mono õ norĩ hã. Duré danhimizama ahâ uptabi na iwa 're simasa mono wa.

1 Corĩtu 3:7

Tahawa, robzuri'wa norĩ ne, iwasu'uwẽ na te te dama 're irowasu'u 'rata za'ra mono norĩ hã, pire na 're hâimana za'ra mono õ di. Duré robdi'i'wa norĩ ne, daza'u te te dama ãma 're irowasu'u za'ra mono norĩ hã, duré dama pire na 're hâimana za'ra mono õ di. 'Re ihâimana u'âsi mono si, te pire uptabi na 're hâimana u'âsi, taha si te te 're da'apawapto wẽ mono wa, Zezusihi ne dahâimana prédup sina, oto 're idahâimana za'ra mono zéb da hã.