Zuéu 2:20 - ꞌRe Ihâimana Uꞌâsi Mono Zadawa Wasuꞌu

²⁰ 'Riti norĩ ipipa hã hâiwa nhimi'e hawi we iwatobro hã wa za sãmra romhâ na, asiti za'ra wa'aba, supara'ré na si 're iropsa'wari mono a'ubuni u. 'Ridi hã danhowa we iwatobro hã wa za sãmra, Â Warĩrĩ na pu'u nhisi u hã. Duré isa'u we iwatobro hã te za rere, Mediterãniu na â poré nhisi u. Tawamhã 'riti norĩ hã te za ai'utõ, sa'ra 'rãihâ na. Sizub za'ra wamhã, te za ti'roi pese za'ra. Ãne wa za marĩ isa'rese'õ hã te 're ab'manharĩ.

Zuéu 2:20 ပူးပေါင်းရင်းမြစ်များ

Ezodu 10:19

Tawamhã Uburé Danhib'apito rowa'u'u za'ẽne bâtâ zasizém hawi isiptede te te rowapõrĩ da hã ma tô tãma rob'ru. Tahawa, ta hã ma tô apâ 'ridi hã te te sate. Duré ma tô sãmra, Âpré na â wamri u. Tawamhã uburé Ezitu ti'ai 'remhã 'maihâimana õ di apâ.

Ezodu 8:14

Tawamhã ezipsiu norĩ, ma tô nemo te te sa'wari uti zarãpré hã, sa'wari 'rãihâ na. Tahawa ti'ai wa'õtõ nho'õmo mono bâ ma tô i'uzé hã te te ropé.