Zuéu 1:9 - ꞌRe Ihâimana Uꞌâsi Mono Zadawa Wasuꞌu

⁹ Sasedoti, 'Re ihâimana u'âsi mono ma da'ãma romhuri'wa norĩ hã te 're 'ru'ru u'âsi, Wanhib'apito nhorõwa 'ri 'rãihâ ma, danhoprubzé hã 're hâimana zahu mono õ wa oto, amnho na hã, duré uwa 'rãi wa'u isé na hã.

Zuéu 1:9 ပူးပေါင်းရင်းမြစ်များ

Zuéu 1:13

Sasedoti norĩ, wedezane 'manharĩ nhisiwi, danhoprubzé 're isa'ra za'ra wa'aba mono norĩ, ma'ãpé zazahâ hâiro na asi'uza za'ra wa'aba, iré ai'ru'ru wa'aba da. 'Re ihâimana u'âsi mono ma da'ãma romhuri'wa norĩ, we ai'aba'réi wa'aba, 'ri zahâpâ u, ai'ru'ru wa'aba da marabâre, 'Re ihâimana u'âsi mono nhorõwa 'ri 'rãihâ ãma. E marĩ wa. Wate 'Re ihâimana u'âsi mono nhorõwa ãma hã amnho na duré uwa 'rãi wa'u isé na danhoprubzé hã hâimana õ wa oto.

Zuéu 1:16

Marĩ, wa te 'manharĩ waihu'u za'ra ãna, wa tô taré 'madâ'â za'ra ni, wanhimirob're norĩ isi'utõrĩzém na hã. Tahawa, wate 'Re ihâimana u'âsi mono nhorõwa 'ri 'rãihâ 'remhã, hâimana õ di oto dasima rowẽzé hã, duré datozé hã.

Zuéu 2:14

Tahawa, ãté te za tinhimirosa'rata na ãma saprĩ, iwẽ hã tinhib'a'uwẽ norĩ ma, te te tãma pisutu za'ra da, amnho tehârizé iwẽ hã te te tãma isõmri za'ra zém na hã. Ãne wamhã, te za a norĩ wa'wa hã amnho na duré rob'rãi wa'u na 'Re ihâimana u'âsi mono ma, 're asõprub za'ra wa'aba mo.

Zuéu 2:17

Sasedoti norĩ, a norĩ wa'wa hã 'Re ihâimana u'âsi mono nhorõwa 'ri zahâpâ, tãma 're iromhuri za'ra wa'aba mono hã te za ai'ru'ru wa'wa. Te za duré tãma aimreme zusi 'wa ãne: “'Re ihâimana u'âsi mono, rob'manharĩ tõ, asib'a'uwẽ norĩ ma hã. Wasiré a'uwẽ'õ norĩ nho'remhã wanhiséb za'ra tõ da, waza'ré za'ra tõ, wa'ãma wa'ẽ za'ra sina, te te duré wazada nharĩ za'ra tõ da ãne: ‘E mahã, ate za'ra wa'wa 'Re ihâimana u'âsi mono.’ ”