Zozué 8:22 - ꞌRe Ihâimana Uꞌâsi Mono Zadawa Wasuꞌu

²² Tawamhã 'ri nho'õmo ãma Izaraéu nhihudu norĩ ihâimana za'ra zama ma tô wairé, Ai te, aibâ norĩ te te 'wapé za'ra da hã. Ãhã wa, aibâ norĩ ma tô uirĩ pese za'ra ni. Tahawa ma tô Izaraéu nhihudu norĩ nhib'rata ai'utõ.

Zozué 8:22 ပူးပေါင်းရင်းမြစ်များ

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 6:21

Ma tô duré tinhi'wa na aibâ norĩ hã, pi'õ norĩ hã, ai'uté norĩ hã duré ihi norĩ hã te te siwi simro, 'ri nho'õmo wa, uburé 're ihâimana za'ra mono norĩ hã. Ma tô duré te te siwi simro, powawẽ norĩ zama hã, pone'ẽrebâire, duré awaru po're pore.

Zozué 8:21

Tawamhã Zozué norĩ, tite dasi'wapéi 'manharĩ'wa norĩ me hã ma tô siwi 'madâ, isiré norĩ 'ri nho'u te te siwi i'âri hã, duré te te ãma siwi isõré mono zé, uzâ hã. Tahawa ma tô apâ sô a'ãsi za'ra. Tahawa ma tô Ai ãma aibâ norĩ pãrĩ na sãna'rata za'ra.

Zozué 8:23

Ai te, apito si, te dâ'â ãna hã siwaprosi tihâiba. Ta hã da te âri wa, ma tô Zozuéhé ma saprõni ni.

Zozué 8:8

Tawamhã 'ri nho'u asiwi âri aba parimhã, te za uzâ hã ãma isõré wa'aba mo, si'unhama da, Uburé Danhib'apito te te i'ruzéb zarina. Ãne wa aima 'ru za'ra wa'wa.