Zozué 8:10 - ꞌRe Ihâimana Uꞌâsi Mono Zadawa Wasuꞌu

¹⁰ Ãma awẽ wamhã, mararé uptabi ma tô udu. Ma tô duré dasi'wapéi 'manharĩ'wa norĩ hã 'rã'õtõ. Tawamhã Zozué hã, Izaraéu nhihudu norĩ ma i'rãnho'õmo norĩ me hã ma tô a'uwẽ norĩ nhowamhã te te ropãrĩ za'ra mono sina sisõré pese na ai'aba'ré, Ai nho'õmoi wa'waibaba.

Zozué 8:10 ပူးပေါင်းရင်းမြစ်များ

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 6:12

Tawamhã awẽ bâtâ na mara hâ ré, ma tô Zozué hã udu. Utu wamhã, wedehâ're 'manharĩ ma tô sasedoti norĩ hã siwi ti'â.

Zozué 7:16

Tawamhã Zozué ma tô robza'rã ré a'uwẽ norĩ ma waihu'u za'ra, Izaraéu nhihudu upsãtã mono bâ sihâi'ré za'ra da. Tahawa, Zudaha nhihudu norĩ ma tô wasu'u za'ra.

Zozué 8:11

Tawamhã Zozuéhé siré dasi'wapéi 'manharĩ'wa, 'ri ahâ u 'ridawa za'ẽtẽ na 're idanhisisi mono zé wa'waibaba te te ropãrĩ za'ra mono sina, sisõré pese na isi'aba'ré norĩ hã, ma tô hâiwa nhimi'e niwĩ sima 'ri nhoré za'ra, Ai norĩ wa'wamhã romharé ihâimana wa.

Zozué 8:9

Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.