Zozué 6:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã te duré a'uwẽ norĩ ma nharĩ za'ra, ãne: — 'Ri nho'õmo uirĩzém na ma'ãpé ãma sãna'rata za'ra wa'aba oto, ropãrĩ za'ra wa'aba mono sina asõré pese aba na! Duré Uburé Danhib'apito te, wedehâ're 'manharĩ nhowamhã te za dasi'wapéi 'manharĩ'wa norĩ hã sõré pese na hã ai'aba'ré.

Zozué 6:7 ပူးပေါင်းရင်းမြစ်များ

Zozué 1:14

Tawamhã Mozési, ti'a te te aima isõmri za'ra wa'aba ãma te za pi'õ norĩ ate wa'wa hã, duré ai'ra norĩ wa'wa hã 're hâimana za'ra za. Asimizama za'ra wa'wa hã te za ãme isiré za'ra hã 're hâimana za'ra, Zodã pa zara niwĩ bâtâ pusizém niwĩmhã. Aibâ norĩ si te za da'wapéi'wa da tinhimnhi'ã hã waibu za'ra, tisiré Izaraéu nhihudu norĩ nhowa te te saprĩ za'ra da panho'õmo na hã te te pawapto za'ra da dasi'wapé na hã.

Zozué 4:13

40 miu na aibâ norĩ hã ma tô si'wapé za'ra da, simire sina â na saprĩ za'ra, 'Re ihâimana u'âsi mono Uburé Danhib'apito nho'a, romharé u Zerico niwĩ.

Zozué 6:3

Tahawa a hã, Izaraéu nhihudu norĩ te, dasi'wapéi 'manharĩ'wa norĩ me hã te za misi si bâtâ mono na nasi 'rinho'u hã asõré pese na ropãrĩ za'ra wa'aba mono sina i'uirĩ za'ra wa'aba mo, 6 na bâdâ ihâimana 'remhã.

Zozué 6:6

Tawamhã Zozué, ma tô sasedoti norĩ zô hâ, te te tãma nharĩ za'ra da, ãne: — Wedehâ're 'manharĩ 'Re ihâimana u'âsi mono te ré hã te za asiwi i'âri 'wa. Tawamhã te za isõwamhã 7 na sasedoti norĩ tinhimnhihãsi zéb ré hã ai'aba'ré.

Zozué 6:8

Tawamhã Zozué te te tãma iwaihu'u za'ra zéb zarina, ma tô wedehâ're 'manharĩ nhowa, sasedoti norĩ 7 na ihâimana za'ra tinhimnhihãsizé hârâ na hã ãma sãna'rata za'ra.