Zozué 6:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã 7 bâtâ ãmamhã robza'rã ré oto duré utu za'ra wamhã, ma tô 'rinho'u tô taha bâtâ na 7 na te te ropãrĩ za'ra mono sina, sisõré pese na hã siwi uirĩ. Õhõ bâtâ na si ma tô, 'rinho'u 7 na siwi uirĩ.

Zozué 6:15 ပူးပေါင်းရင်းမြစ်များ

Mateu 28:1

Tawamhã sabadu hawi i'awẽ na rowa'a wi, dumigu na ma tô Maria Madaréna norĩ hã sisaprõni zahuré Mariaha me, sa'a zahâpâ ab're u, Zezusi da te isẽrẽzéb u.

Hebreu 11:30

Duré Izaraéu nhihudu norĩ hã, Zerico na 'ri nho'õmo nhisi ãma 'ri 'wawi wa'ra 'rãihâ hã ma tô nasi te te uirĩ za'ra, sime da, 'Re ihâimana u'âsi mono te te tãma ipisutu za'ra zéb zarina. Bâdâ hã 7 na ma tô ãma ai'utõrĩ za'ra, te te nasi siwi uirĩ za'ra mono ré hã. Tawamhã 'ri 'wawi wa'ra 'rãihâ hã ma tô aime. Ta norĩ hã 'Re ihâimana u'âsi mono si te te sina 're i'umnhasi za'ra mono zéb zarina, ma tô aime.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 6:14

Tawamhã oto maparane bâtâ ãmamhã ma tô te te ropãrĩ za'ra mono sina sõré pese na ai'aba'ré, 'rinho'u hã misi haré te te siwi uirĩ da. Taha pari ma duré apâ romhâ 'manharĩ na 'ri nhoré u hã sina siri za'ra. Tawamhã 6 bâtâ 'remhã ãne si ma tô nasi siwi 'manha.

Zozué 6:16

Tawamhã oto 7 na te te siwi i'uirĩ zahu zéb ãma sasedoti norĩ tinhimnhihãsizé te te siwi hãsi zahâri wamhã, ma tô a'uwẽ norĩ ma Zozué hã tãma nharĩ za'ra, ãne: — Oto asadari na hã aihãsi aba! Uburé Danhib'apito ma tô oto Zerico hã aima sõmri za'ra wa'wa.

2 Pedru 1:19

Marĩ, wa te isabu za'ra zéb zarina, wa tô waihu'u za'ra ni, tô sena na Danho'reptui'wa na 'Re ihâimana u'âsi mono zadawa 'mahârâ 'rata 'wa norĩ te te dama 're irowasu'u za'ra mono zém na hã. Awẽ u te za wasi wawẽ hã 're pusi, dama rowa'a'wa da, isimirowa'a zarina ãma 're danomro wẽ mono da. Tane wapawapto'wa da, te wama 're hâimana, isadawa 'mahârâ'wa norĩ nhimirowasu'u hã, ãma 're iwanomro wẽ mono zéb da hã. Ãne wamhã, te za ãma 're irosa'rata u'âsi za'ra wa'aba mo.