Zozué 6:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã wedehâ're 'manharĩ nhowa, te 7 na sasedoti norĩ tinhimnhihâsizéb ré ai'aba'ré, te te hãsi mono sina, duré ihârâ hã te te sahâri za'ra ãna. Ta norĩ nhowa dasi'wapéi 'manharĩ'wa norĩ hã te ai'aba'ré. Te duré wedehâ're 'manharĩ zarina ai'aba'ré, dasi'wapéi 'manharĩ'wa iwa'õtõ hâiba amo hã, daza'u. Tawamhã danhimnhihãsizém hârâ hã simizahâri za'ra õ di.

Zozué 6:13 ပူးပေါင်းရင်းမြစ်များ

Mateu 24:13

Tane nherẽ, ni'wam norĩ hã rob'rãsutu u siptete sina ĩ'ãma 're nomro u'âsi mono wamhã, duré ĩwi 're sipizari za'ra mono õ wamhã, ta norĩ si te za ropipa hawi tinho'reptuzé hã te te sina 're uwaimrami za'ra.

Galata 6:9

Tahawa, ma'ãpé wawa'a ãna marĩ iwẽ na, wa te 're dapawaptob u'âsi za'ra wa'aba mono za, wa norĩ hã. Tawamhã bâdâ iwa waptã'ã wapsi, 'Re ihâimana u'âsi mono te te wa'ãma sima irotizé hã te za iwa'rãmi marĩ iwẽ hã te te wama 're anhomri.

Zozué 6:12

Tawamhã awẽ bâtâ na mara hâ ré, ma tô Zozué hã udu. Utu wamhã, wedehâ're 'manharĩ ma tô sasedoti norĩ hã siwi ti'â.

Zozué 6:14

Tawamhã oto maparane bâtâ ãmamhã ma tô te te ropãrĩ za'ra mono sina sõré pese na ai'aba'ré, 'rinho'u hã misi haré te te siwi uirĩ da. Taha pari ma duré apâ romhâ 'manharĩ na 'ri nhoré u hã sina siri za'ra. Tawamhã 6 bâtâ 'remhã ãne si ma tô nasi siwi 'manha.

Zozué 6:4

Ĩte wedehâ're 'manharĩ nhowamhã, te za sasedoti norĩ hã 7 na ai'aba'ré, pone'ẽrebâ zéré mapure si'aibâ õmo na tinhimnhihârâzé hã hâiba mono bâ te te 'wasari sina. Tawamhã a hã, 7 bâtâ ãmamhã ate dasi'wapéi 'manharĩ'wa norĩ me hã te za 'rinho'u 7 na ropãrĩ za'ra wa'aba mono sina asõré pese na asiwi i'uirĩ wa'wa, sasedoti norĩ hã tinhimnhihârâzé te te hãsi mono ré.

Zozué 6:9

Tawamhã sasedoti tinhimnhihãsizé te te ihãsi norĩ nhowamhã te dasi'wapéi 'manharĩ'wa norĩ hã ai'aba'ré. Te duré wedehâ're 'manharĩ zarina dasi'wapéi 'manharĩ'wa iwa'õtõ hâiba amo isarina ai'aba'ré. Si'aba'ré sina ma tô te te hãsi, tinhimnhihãsizéb za'ra hã.