Zozué 24:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã Arãhã 'ra Eriaza zama dâ'â wamhã, ma tô duré Zibea na 'ri nho'õmo nhisi ãma siwi ãma ti'a, Efraĩhĩ niwĩ ẽne hã ihâimana ãma, i'ra Finezaha ma, da te isõmri wa.

Zozué 24:33 ပူးပေါင်းရင်းမြစ်များ

Esdra 7:5

Abisua, Finéa, duré Arãhã 'ra Eriaza, tisiré norĩ nhipai u sasedoti ipire uptabi.

Ezodu 6:23

Tawamhã Arã, ma tô Eliseba, Aminadabehe 'ra, Nasõhõ hidiba na timro. Ta hã maparane si'uiwa na i'ra hã. Nadabe, Abiu, Eriaza duré Itama.

Ezodu 6:25

Tawamhã Eriaza, Arãhã 'ra hã ma tô Puti'éhé 'ra sipi'õ na timro. Ta hã ma tô ti'ra hã sisi, Finéa na. Duré ã norĩ hã ma tô levita norĩ wa'õtõ nhib'ihâ'a na tãma 're hâimana za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:36

Te duré dama rowasu'u, ãne: — Dawi hã ti'ai ãma 're morĩ ré, ma tô 'Re ihâimana u'âsi mono ma sina uwaimra, te te tãma ipisutuzéb zarina. Te te sina tãma uwaimrami pari, ma tô dârâ, Dawi hã. Ihi'rata norĩ 'ru ãma ẽtẽ zahâpâ wa ab're wa, ma dasiwi sẽrẽ ni. Da te dasiwi sẽrẽ wamhã, ihâiba hã ma ti'ro.

Hebreu 7:24

Tazahã, Zezusi hã nimahã na tidâ'â na te te sahu õ di za. Õne u'â te za 're hâimana u'âsi. Tahawa, sasedoti na te za tô dama 're hâimana u'âsi oto, watobro waihu'u ãna ni'wai ma.

Zuize 17:8

Tawamhã ta hã ma tô oto ta hawimhã watobro, za 're isãmra mono zéb zô, sima 're rĩtĩ mono da. Tawamhã ta hawi oto morĩ wamhã, ma tô oto Micaha nhorõwa u hã wi, Efraĩ ti'ai ãma ẽne 're ihâimana mono u.

Zuize 18:13

Tawamhã ta hawi Efraĩ ti'ai 're ẽne ihâimana u si'aba'réi wamhã, ma tô oto Micaha nhorõwa u aihutu.

Zuize 20:28

Tawamhã Finéa, Eriazaha 'ra, Arãhã nhihudu hã ma tô dasiwi pisutu ni wedehâ're te te 're i'madâ'â mono da hã.) Tawamhã ta norĩ te te siwi isadanharĩzé hã ãne: — E wa za duré wawairébé na sahu za'ra ni, wasisãnawã Bẽzamihĩ nhihudu norĩ wa te 'wapé za'ra da hã. Niha wamhã, e wa za oto mazahâri za'ra ni. Tawamhã Uburé Danhib'apito, ma te ãma sada'âbâ za'ra ãne: — Ma! Te za i'wapé za'ra wa'wa. E marĩ wa. Wa hã wa za oto asib'rata aima hâiba nhomri za'ra wa'wa.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 9:4

Tawamhã ãne imama te te tãma waihu'u wa, ma tô oto tineb zahuré Sau norĩ hã uburé te te sô rowaimrami zahuré mono da, Efraĩ nhihudu norĩ nhipti'a na ẽtẽ 'ratamhã, duré Sarisa na romnhisi ãma ti'a na. Tane nherẽ, te te anhopẽtẽ zahuré õ di, awaru po'repore sipi'õ hã. Tahawa, ma tô sô rĩtĩ zahuré, Sa'arĩhĩ na romnhisi ãma. Tane nherẽ, tamemhã duré robaba di. Tawamhã Bẽzamihĩ nhihudu norĩ nhipti'a na ma tô duré sô rĩtĩ zahuré. Tane nherẽ, tamemhã te te duré anhopẽtẽ zahuré õ di, taré ma ro ãma wazere zahuré.