Zozué 24:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã Izaraéu nhihudu norĩ, Zozué 're hâimana mono ré, ma tô 'Re ihâimana u'âsi mono, Uburé Danhib'apito ãmamhã 're nomro. Duré dâ'â parib zama ma tô ãma 're nomro pese, dama i'rãnho'õmo norĩ, 'Re ihâimana u'âsi mono, Izaraéu nhihudu norĩ ma, uburé pese te te 're i'ab'manharĩ mono zé waihu'u pese 'wa norĩ, 're hâimana za'ra mono ré hã.

Zozué 24:31 ပူးပေါင်းရင်းမြစ်များ

Zenezi 14:10

Tawamhã Sidĩ na romharé nhisi ãma te ab're, wedewa'u tob ré hã ahâ na 're hâimana za'ra. Tawamhã Sodoma ãma apito, Gomora ãma apito me dasi'wapéi wi sima'uri pibu zahuré da sisamroi wamhã, ma tô nima norĩ ite dasi'wapé 'manharĩ'wa hã ab're 'remhã nasi titobro za'ra. Tahawa, nima norĩ si ma tô dawi aimani za'ra, ẽne 're ihâimana za'ra mono u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:29

Aihawi ĩmorĩ za'ra wa'aba wamhã, ni'wam norĩ hã te za we asô ai'aba'réi wa'wa. Abaze zahi, pone'ẽrebâ da, 're isahi za'ra mono ne, te za asada tizahi za'ra wa'wa. Tinhimirowahutu wasété na te za asada tihâimana za'ra wa'wa. Ai'ãma pẽ'ẽzé za'ra wa'aba õ di za. Ãne wa tô ai'ãma waihu'u siromo za'ra wa'wa.

Filipu 2:12

Ĩsisãnawã norĩ, ĩma asawi pese za'ra wa'aba norĩ hã, ma'ãpé ĩwapari pese za'ra wa'aba za. Wa hã tame ai'rata ĩhâimana za'ra wa'aba ré, ma tô ĩnhimiroti hã iwapari pese za'ra wa'wa. Tane nherẽ, ãhã na oto ai'rata ĩhâimana za'ra wa'aba õ nherẽ, te duré ĩnhimiroti hã 're iwapari pese za'ra wa'aba mo, ãma atẽme ĩwisi za'ra wa'aba õ nherẽ. Aihâimana prédup sina, te za 're iromhuri pese za'ra wa'aba mo, 'Re ihâimana u'âsi mono te te asõ'reptu za'ra wa'aba zéb zarina, 're anomro wẽ wa'aba mono zém na tãma ãma asina 're uwaimrami u'âsi za'ra wa'aba mono da.

Zuize 2:10

Tawamhã a'uwẽ norĩ hã ma tô duré uburé pese we si'utõrĩ. Tahawa, a'uwẽ ité ma tô duré Uburé Danhib'apito ãma 're po're simrami za'ra, Izaraéu nhihudu norĩ ma, uburé marĩ te te 're i'ab'manharĩ mono zém na zama.

Zuize 2:6

Tawamhã Zozué, uburé Izaraéu nhihudu norĩ ma, oto si'aba'ré da, te te rob'rui wamhã, ma tô aibâ norĩ hã hâiba mono bâ misisi tite da ti'ai wa'õno hã te te sima waibu.

Zuize 2:7

Tawamhã duré Izaraéu nhihudu norĩ, Zozué 're hâimana mono ré, ma tô Uburé Danhib'apito ãma si 're nomro. Duré oto dâ'â parim nherẽ, ma tô Uburé Danhib'apito ãma si 're inomro mono na ãma uzusi za'ra, dama i'rãnho'õmo norĩ zahadu 're hâimana za'ra mono ré hã, Izaraéu nhihudu norĩ ma, Uburé Danhib'apito nhimi'manharĩzé te te 're i'madâ'â za'ra mono norĩ hã.