Zozué 10:37 - ꞌRe Ihâimana Uꞌâsi Mono Zadawa Wasuꞌu

³⁷ Ma tô duré siwi ti'â. Apito hã ma tô duré siwi tiwĩ. Duré Hebrõ 're, 're idahâimana za'ra mono norĩ zama ma tô siwi uprosi, iwaptoma 're idahâimana za'ra mono norĩ zama. Tawamhã Zozué, 'ri nho'u te te siwi iprub da hã ma tô ti'ru, Égrõ ma te te i'manharĩ ne, ni'wa hã hâiba ré hã hâimana ãna.

Zozué 10:37 ပူးပေါင်းရင်းမြစ်များ

Ezodu 17:13

Ãne Zozué, amalequita norĩ ãma uburé te te i'ai'uté za'ra zé hã.

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 10:35

Tahawa, ma tô duré tô taha bâtâ na siwi ti'â. Tawamhã Laqui ma te te i'manharĩ za'ra ne, ma tô duré uburé pese siwi da'uprosi.

Zozué 10:36

Tawamhã Zozué norĩ, tite dasi'wapéi 'manharĩ'wa norĩ me ma tô Égrõ hawimhã ai'aba'ré, 'ri nho'u Hebrõ u. Tahawa ma tô duré siwi sahu, ta norĩ hã.

Zozué 10:38

Taha pari Zozué norĩ, tite dasi'wapéi 'manharĩ'wa norĩ me apâ si'aba'réi wamhã, ma tô siwi sahu, Débi na 'ri nho'õmo nhisi hã.

Zozué 10:39

Tawamhã ma tô duré 'ri nho'u siwi ti'â, isib'apito zama, duré uburé iwaptoma 'ri nho'õmo norĩ zama. Tawamhã ta norĩ 'ri nho'õmo mono 're, 're idahâimana za'ra mono norĩ hã ma tô uburé siwi uprosi. Ãne ma tô Zozué, Débihi ma hã 'manha, duré ite apito ma hã, Hebrõ ma te te i'manharĩ ne hã, duré Libna ãma apito norĩ ma te te i'manharĩ za'ra ne hã.

Zozué 10:40

Ãne ma tô Zozué hã uburé ti'a norĩ ãmamhã ai'uté za'ra, ẽtẽ ãma apito norĩ 're ihâimana za'ra mono ãmamhã, duré hâiwa nhimire niwĩ norĩ ãmamhã, romharé norĩ ãmamhã, duré ẽtẽ zahâpâm na'rata norĩ ãmamhã. Ni'wa te te rẽme õ di. Uburé pese ma tô uprosi pese a'uwẽ hã, Uburé Danhib'apito, Izaraéu nhihudu norĩ te, 'Re ihâimana u'âsi mono hã te te tãma i'ru za'ra zéb zarina.

Zozué 11:12

Ãne Zozué, uburé 'ri nho'õmo norĩ, duré ite apito norĩ te te waibui wamhã, ma tô uburé uprosi, Uburé Danhib'apito ma romhuri'wa, Mozési te te iwaihu'uzéb zarina.