Zozué 10:24 - ꞌRe Ihâimana Uꞌâsi Mono Zadawa Wasuꞌu

²⁴ ma tô Zozuéhé tẽmemhã te te siwi simro. Tahawa, Zozué te sô tihârâ za'ra, aibâ norĩ Izaraéu nhihudu zô. Duré isiré isi'aba'ré norĩ ma hã ma tô tãma waihu'u za'ra, dasi'wapéi 'manharĩ'wa norĩ 'madâ'â'wai ma, ãne: — We ãwa ai'aba'réi wa'aba, ã hã apito norĩ butu nhisiwi, aipara hã sõré wa'aba da. Tahawa ma tô ãne ta norĩ hã tãma 'manharĩ za'ra.

Zozué 10:24 ပူးပေါင်းရင်းမြစ်များ

Salmu 110:1

Uburé Danhib'apito, ma tô ĩnhib'apito ma tinha ãne: “Ma'ãpé ĩnhimire niwĩ ĩzababamhã asãmra, aipara zahâpâ asitob'ru norĩ za te isõrézéb u.”

Salmu 110:5

Uburé Danhib'apito te asimire niwĩ asababamhã 're sãmra. Ta hã te za isiti'rui watobrozé bâtâ na apito norĩ hã ahâpâ pese.

Salmu 91:13

Aipara na te za hu'u zérépa norĩ hã, wahi norĩ me, 're i'azu pese mo, hu'u zérépa isahi norĩ hã, duré wahi isé norĩ hã.

Roma 16:20

Rowẽ na 're idanomro mono zé hã, 'Re ihâimana u'âsi mono hawimhã. Ta hã te za rowẽzé hã te te aima 're anhomri 'wa. Wahi hã dapara na da te 're iwati'i za'ra mono ne, te za Satanasihi nhiptetezé hã romhutu na te te tiwi 're a'uprosi 'Re ihâimana u'âsi mono hã, tô õ hã Satanasi hã asahâpâ 're hâimana za'ra wa'aba mono da oto. Wanhib'apito Zezusihi wi, wa wa te tiwi 're rowaptẽrẽ u'âsi, tinhimipawaptobzé hã te te aima 're sõmri za'ra wa'aba mono da, ai'rata 're hâimana u'âsi za'ra wa'aba mono da.

Hebreu 1:13

Ãne ma tô duré 'Re ihâimana u'âsi mono hã tãma waihu'u siro: “Ĩ'rata te za 're asãmra u'âsi mo ĩnhimire niwĩ, dama aipire na ĩsiré 're aihâimana u'âsi mono da. Asitob'ru norĩ nhiptetezé hã wa za tiwi uprosi za'ra, wapu na aima 're hâimana za'ra mono da oto, duré aima sib'uware na 're hâimana za'ra mono da oto.” Tawamhã e hâiwa ãma tãma iromhuri'wa norĩ ma, ma tô ãne hã waihu'u za'ra, 'Re ihâimana u'âsi mono hã. Mare di. Ti'ra ma si, ma tô ãne hã waihu'u siro, ta norĩ ma, pire u'âsi 're hâimana mono wa za, Zezusi hã.

Zuize 8:20

Tahawa ma tô ti'ra poto'rada Zétéhé ma tinha ãne: — Aiwahutu, pãrĩ da, ã norĩ hã. Tane nherẽ, ai'repudu tite sib'ézé wapa te te sada wazere zahuré õ di, pahi wa, duré zahadu hâiba tébre wa.