Zozué 1:9 - ꞌRe Ihâimana Uꞌâsi Mono Zadawa Wasuꞌu

⁹ Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zozué 1:9 ပူးပေါင်းရင်းမြစ်များ

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 39:2

Tame Uburé Danhib'apito, Zuzéhé siré 're hâimana u'âsi mono wa, te uburé marĩ hã te te 're ab'manharĩ wẽ u'âsi. Tawamhã te oto tinhib'ihâ'a nhorõwa ãma 're sãmra, ezipsiu nhorõwa ãma.

Zenezi 39:3

Ãne wa, Zuzéhé nhib'ihâ'a ma tô ãma waihu'u, 'Re ihâimana u'âsi mono isiré 're hâimana mono wa, uburé marĩ te te 're i'ab'manharĩ wẽ mono na te te 're ipawapto mono na hã.

Daniéu 10:19

Ãne te ĩma tinha: — 'Re ihâimana u'âsi mono ma hã tãma asawi uptabi di. Tahawa, aipahi tõ. 'Re ihâimana u'âsi mono hawi rowẽzé aima ihâimana da si iwẽ hã. Tahawa, sada asib'ru na! Duré asiptete na aihâimana! Ãne te te ĩma nharĩ wa, oto apâ ĩnhiptete wamhã, wa tô ãma sada'â ãne: — Ma'ãpé oto ãma ĩma rowasu'u na. A hã ĩnhiptede hã ma tô apâ ĩma isõ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:19

Tawamhã Pedru norĩ hã te asa tãma nharĩ za'ra, Zuwãhã me: — E ma hã bété, 'Re ihâimana u'âsi mono ma, iwẽ. E imreme, wa za wapari ni. E aimreme za'ra wa'wa hã, wa za duré bété wapari ni. 'Re ihâimana u'âsi mono mreme si, wa za wapari ni. Ma'ãpé, asima ãma rosa'rata za'ra wa'aba, waihu'u za'ra wa'aba da. Wa norĩ hã wa za wa te dama 're rowasu'u u'âsi za'ra, uburé wa te 're i'madâ'â za'ra mono zém na hã, wa te 're iwapari za'ra mono zém na zama. Wa te dawi 're udâ waihu'u za'ra mono õ di za.

Zozué 1:10

Tawamhã Zozué te Izaraéu nhihudu norĩ 'rãnho'õmo norĩ ma waihu'u za'ra ãne:

Zozué 1:17

Õne u'â Mozésihi mreme wa te 're iwapari pese za'ra mono ne, wa za tô duré aimreme zama wa te 're wapari pese za'ra. Uburé Danhib'apito, ate 'Re ihâimana u'âsi mono, za aime 're hâimana mono da, wa wasima wẽ za'ra ni, Mozésihi siré 're ihâimana mono ne.

Zozué 1:18

Tawamhã duré ni'wa hã te te i'aimreme wapari õ zarina, siwa'ru asimirowaihu'u wi sipi'rai wamhã, te za wĩrĩ ni. Tahawa asiptete na si, duré asib'ru na si hã aihâimana mono za.

Zozué 10:25

Tawamhã Zozué te duré ãne tãma nharĩ za'ra: — Aipahi za'ra wa'aba tõ. Duré aiwi robzei'õ za'ra wa'aba tõ. Asiptete za'ra wa'aba, duré asib'ru za'ra wa'aba. E marĩ wa. Uburé Danhib'apito te za ãne hã tinhitob'ru norĩ ma te te 're ab'manharĩ, uburé za asiwi 're i'wapé za'ra wa'aba mono norĩ ma.

Zozué 10:8

Tawamhã Uburé Danhib'apito, te Zozuéhé ma tinha, ãne: — Ã hã apito norĩ ma hã aipahi za'ra tõ. Wa hã wa tô aima sõmri siromo za'ra, asib'ratamhã. Tahawa ta norĩ hã tihâiba na te te aima wa'rãmi waihu'u za'ra õ di za.

Zozué 3:7

Tawamhã Uburé Danhib'apito, te Zozuéhé ma tinha, ãne: — Ã bâtâ na za marĩ te i'manharĩzéb zarina, uburé Izaraéu nhihudu norĩ hã te za siwi aiwaihu'u, aibâ dama i'asa'ẽtẽ na hã. Te za tawamhã duré siwi ĩwaihu'u, Mozésihi siré 're ĩhâimana mono ne, duré asiré zama 're ĩhâimana mono na hã.

Zozué 6:27

Ãne ma tô Uburé Danhib'apito, Zozuéhé siré tihâiba. Tawamhã ma tô iwasu'u za'ẽne hã ti'ai wa'õtõ nho'õmo mono bâ te te ropé.

Zozué 8:1

Tawamhã te Uburé Danhib'apito hã tinha ãne, Zozuéhé ma: — Aipahi tõ! Sada asib'ru na! Uburé ate dasi'wapéi 'manharĩ'wa norĩ me, 'ri nho'u Ai zada, asõré pese na ai'aba'réi wa'aba. Wa hã wa za ta norĩ nhib'apito ãma i'ai'uté za'ra wa'aba zéb da hã aipawaptob za'ra wa'wa. Tahawa asib'ratab za'ra wa'aba, wa za Ai ãma a'uwẽ norĩ hã duré 'ri nho'u hã, duré isipti'a za'ra zama aima sõmri za'ra wa'wa.

Zuize 6:14

Tawamhã Uburé Danhib'apito, Gidiãhã ma, ma tô tãma waihu'u ãne: — Ma'ãpé asiptete sina aimorĩ, Izaraéu nhihudu norĩ sõ'reptu za'ra da, midiãnita norĩ wi. Aimorĩ da, wa wa hã aima rob'ru.

1 Samuéu 10:7

Tawamhã ãne hã marĩ aima hâimana wamhã, uburé marĩ hã i'uwaibaba si 're ab'manharĩ mono za. E marĩ wa. 'Re ihâimana u'âsi mono hã za aime 're hâimana mono wa.