Zona 4:8 - ꞌRe Ihâimana Uꞌâsi Mono Zadawa Wasuꞌu

⁸ Bâdâ 'rãiwatobro parimhã, 'Re ihâimana u'âsi mono hã ma tô duré rowa'u'u wa'ro ma rob'ru, watobro da, bâtâ pusizém hawi. Tahawa, ma tô aré tiwi tirobra Zonahã wi, wa'ro uptabi wa, bâdâ hã te te 'rãi wa'ro pese wa. Tawamhã dâ'â da si, te oto sima wẽ. Tahawa, te ãne tinha: — Ĩma hã wẽ di ĩdâ'â da hã, 're ĩhâimana mono zém nhipai u.

Zona 4:8 ပူးပေါင်းရင်းမြစ်များ

Zenezi 41:6

Taha wi, ma tô duré 7 na i'rãi 'ré hã wairé, ropsi 're iropsa'wari mono hawi rowa'u'u wa'ro te te iteihi 'ré mono 'rã hã.

Zona 1:17

Tawamhã Uburé Danhib'apito hã ma tô tebe hã isa'ẽtẽ ma ti'ru, Zona te te sõmri da hã, hâiba wahuré. Tame, te si'ubdatõ bâtâ 're duré si'ubdatõ mara na, tepe za'ẽtẽ waihõ 'remhã tihâiba.

Zona 1:4

Tane nherẽ, 'Re ihâimana u'âsi mono hã ma tô rob'ru, rowa'u isiptete uptabi ma, sa'ẽtẽ â hã te te sasisi da. Tahawa, te â hã sa'ẽtẽ sisasisi. Sisasisi mono wa, sa'ẽtẽ â hã, simimnhasi di aiwa ãma isipo'o da si, uba're ãma hã.

Zona 4:3

Ĩnhib'apito, ãhã na awa'awi ĩhâimanazé hã ĩwi uprosi. E marĩ wa. Ĩma wẽ di, ĩdâ'â da si, ĩhâiba ré 're ĩhâimana mono zém nhipai u.

Zona 4:9

Tane nherẽ, te 'Re ihâimana u'âsi mono hã sadanha: — Zona, e tô i'uwaibaba ma asib'ru, rob're zabâdâmhã. Zonahã asa te tãma tinha ãne: — E marĩ bété. Tô i'uwaibaba ma ĩwa aime, ĩnhiti'rui pese zé hã. Taha zarina i'uwaibaba ĩdâ'â da si, wa ĩsima wẽ.

Mateu 20:12

Ãne te mreme nhiti'ru na tãma nharĩ za'ra: “Õ norĩ hã hâiwahâ si romhuri na te te isãna'rata za'ra hã misi bâtâ za'ratazé hã ma tô sina uprosi za'ra. Wa norĩ hã bété. Bâtâ bâ, wa te iromhuri za'ra hã, rowa'ro uptabi nherẽ. E niha bâ, ma bété õ norĩ zama tipawa'â hã waibu, aiwa wapawa'â, wa te iwaibu za'ra ne.”

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.

Apocalipsi 7:16

Tawamhã ã norĩ hã mra te te 're sépata zahu za'ra mono õ di za oto. Duré te te 're 'rubu zahu za'ra mono õ di za oto. Bâdâ hã te te 're hâiba zata waihu'u za'ra mono õ di za oto. Duré aimawi rowa'ro ipire hã te te 're hâiba zata waihu'u za'ra mono õ di za oto.

1 Samuéu 3:18

Tahawa, Samuéu ma tô uburé tãma wasu'u, te te tiwi udâ ãna, te te tãma inharĩzé hã. Tawamhã te Eri tinha, ãne: — Õ hã tô 'Re ihâimana u'âsi mono, Uburé Danhib'apito. Ĩma wẽ di tô, marĩ te te 're i'ab'manharĩ mono da hã, tãma iwẽzéb zarina si!