Zona 3:9 - ꞌRe Ihâimana Uꞌâsi Mono Zadawa Wasuꞌu

⁹ Ãté ãne wamhã, 'Re ihâimana u'âsi mono hã te za tinhimirosa'rata na saprĩ. Ãté isahi hã te za taré tiwi ai'utõ. Ãne wamhã, wasi'utõrĩ õ di za.”

Zona 3:9 ပူးပေါင်းရင်းမြစ်များ

Daniéu 4:27

Tahawa apito, ma'ãpé ĩnhimirotizé hã asina saze na. Duré ma'ãpé rẽme, 're aiwasété mono zé hã, i'uwaibaba si oto marĩ hã 're ab'manharĩ mono da. Duré ma'ãpé sazâri, aiwasédé hã. Duré ma'ãpé isimarĩ'õ norĩ ãma 're aiwamri mono. Ãne wapsi, te za ãté rowẽ na 're i'aihâimana mono zém na hã ãma 're i'uzusi mo.

Zona 1:15

Taha pari ma tô uba're sari'wa norĩ hã siwi ti'â oto Zona hã. Ma tô siwi time, âi ba. Tahawa, ma tô awa'awi âsisasi hã 'mazazâ.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Zona 4:2

Ãne te mre: — Ĩnhib'apito 'Re ihâimana u'âsi mono, e ãne hã te nharĩ õre bâ, ĩnhipti'ai hawi we ĩwatobro wana ré hã, tô ãne na i'manharĩzém na hã. Taha zarina, wa tô ĩsima rowairébé, Espãnha u si ĩmorĩ da, aiwi ĩsimani da. Ĩma waihu'u pese di, a hã 'Re ihâimana u'âsi mono asimizawi pese na hã, duré da'ãma i'aipẽ'ẽzé pese na hã. Duré ĩma waihu'u pese di, da'ãma i'aiwa'a su'u õ na hã, duré iwẽ na si dama 're i'ab'manharĩ u'âsi mono na hã. Te duré 're asi'madâ'â u'âsi mo, asimirosa'rata na ãma 're isaprĩ mono na, taha zarina, 're dahâ za'ra mono tõ da.

1 Samuéu 6:5

Tahawa, te za isizusi za'ra wa'wa, da'wa're tob'mai'ãsi na hã, duré 'rure na hã, wanhipti'ai 're te te iwa'awamnarĩ mono hã. Ã norĩ hã te za tãma isõmri za'ra wa'wa, Izaraéu nhihudu norĩ te, 'Re ihâimana u'âsi mono wazézéb da hã. Ãne wamhã, te za ãté sazâ, te te aima irob'manharĩ wasété za'ra wa'aba zé hã, ate za'ra wa'wa ihâiba'õ norĩ ma hã, duré asipti'a za'ra wa'aba ma hã.