Zona 3:7 - ꞌRe Ihâimana Uꞌâsi Mono Zadawa Wasuꞌu

⁷ Ma tô duré dama ti'ru, da te ãma dapo're pu'u za'ra da, 'ri nho'õmo 're, 're idahâimana za'ra mono norĩ hã ãne: “Ã hã apito nhimiroti, duré isapari tãma iromhuri'wa norĩ nhimiroti zama. Ni'wa isa da hã mare di za. Aihĩni norĩ hã, duré abaze norĩ hã, powawẽ norĩ hã duré pone'ẽrebâ zéré mapure norĩ zama isaihuri da hã, mare di za. Duré â te te i'âhuri da hã mare di za, uburé marĩ wa'u norĩ zama.

Zona 3:7 ပူးပေါင်းရင်းမြစ်များ

Esdra 8:21

Tawamhã Aava na panho'õmo 'rata, wa tô wasai ãna misi bâtâ na wahâimana za'ra da hã dama pisutu, taha ré uburé wa norĩ hã wate 'Re ihâimana u'âsi mono nho'remhã wahi'rãtitõ tãma wasisimro da, wa'ra norĩ ré, duré uburé wanhimarĩ ré, wasi'aba'réi ré we te te wanhimroi wẽ mono da, wa te tiwi waptẽrẽ za'ra da hã.

Zuéu 1:18

Powawẽ norĩ hã te nasi hãsi, mrap te. I'rã siwamnarĩ ne te duré siwa'ru 're nomro, dui õ wa, isa za'ra zéb da hã. Duré pone'ẽrebâ zéré mapure norĩ zama te nasi tidâ'â za'ra, mrap te.

Zona 3:5

Tahawa Niniwé 're, 're idahâimana za'ra mono norĩ hã ma tô saze za'ra, 'Re ihâimana u'âsi mono hã. Ma tô duré sima pisutu za'ra, hâiba mono bâ mreme zusi da, sai ãna a'â. Tawamhã dahâiba mono bâ dama ipire norĩ hã duré dama iwapu norĩ zama ma tô uburé pese si'uza za'ra sa'u ihâiro na, tiwasété na isiwẽ'õ za'ra zém na sihâi'ré za'ra da hã.