Zona 3:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa Niniwé 're, 're idahâimana za'ra mono norĩ hã ma tô saze za'ra, 'Re ihâimana u'âsi mono hã. Ma tô duré sima pisutu za'ra, hâiba mono bâ mreme zusi da, sai ãna a'â. Tawamhã dahâiba mono bâ dama ipire norĩ hã duré dama iwapu norĩ zama ma tô uburé pese si'uza za'ra sa'u ihâiro na, tiwasété na isiwẽ'õ za'ra zém na sihâi'ré za'ra da hã.

Zona 3:5 ပူးပေါင်းရင်းမြစ်များ

Esdra 8:21

Tawamhã Aava na panho'õmo 'rata, wa tô wasai ãna misi bâtâ na wahâimana za'ra da hã dama pisutu, taha ré uburé wa norĩ hã wate 'Re ihâimana u'âsi mono nho'remhã wahi'rãtitõ tãma wasisimro da, wa'ra norĩ ré, duré uburé wanhimarĩ ré, wasi'aba'réi ré we te te wanhimroi wẽ mono da, wa te tiwi waptẽrẽ za'ra da hã.

Ezodu 33:6

Tawamhã ãne Izaraéu nhihudu norĩ, ẽne Sina'i hawi iwairébé hawim haré, tisipesezém na ãma 're si'ma'wamarĩ za'ra mono õ di.

Daniéu 9:3

Ĩma robzei'õ zarina, da'uza ihâi hâza'õtõ na wa tô ĩsi'uza. Taha wa, wa tô duré 'ru'a wa nhamra. Ĩsa hã wa tô duré tirẽ. Wa tô Uburé Danhib'apito 'Re ihâimana u'âsi mono ma, sa'ẽtẽ mre, te tiwi iwaptẽrẽzé te te ĩma 'manharĩ da.

Zuéu 1:14

Ma'ãpé asisô aihârâ za'ra wa'aba, ubumroi wa'aba da, 'Re ihâimana u'âsi mono nhorõwa 'ri ãma, misi bâtâ na asaihuri aba ãna aihâimana za'ra wa'aba zé hã asima pisutu za'ra wa'aba da. Duré ubumroi wa'aba, uburé dama ipire norĩ, duré uburé daza'rui 're, 're i'ai'ubumroi wa'aba mono norĩ, Uburé Danhib'apito wate 'Re ihâimana u'âsi mono nhorõwa 'ri 'rãihâ ãma, aimreme 'rãihâ na tãma aimreme zusi aba da, tiwi iwaptẽrẽ za'ra wa'aba zém na, te te aipawaptob za'ra wa'aba da.

Zona 3:7

Ma tô duré dama ti'ru, da te ãma dapo're pu'u za'ra da, 'ri nho'õmo 're, 're idahâimana za'ra mono norĩ hã ãne: “Ã hã apito nhimiroti, duré isapari tãma iromhuri'wa norĩ nhimiroti zama. Ni'wa isa da hã mare di za. Aihĩni norĩ hã, duré abaze norĩ hã, powawẽ norĩ hã duré pone'ẽrebâ zéré mapure norĩ zama isaihuri da hã, mare di za. Duré â te te i'âhuri da hã mare di za, uburé marĩ wa'u norĩ zama.

Mateu 12:41

Niwamhã 'Re ihâimana u'âsi mono, za da'ãma isipo'ozéb ãma hã, duréihã Niniwé na 'ri nho'õmo nhisi ãma 're idasi'ubumroi mono norĩ hã te za asada tihâimana za'ra wa'wa, aiwasédé hã te te ai'ãma hiri za'ra wa'aba da, 'Re ihâimana u'âsi mono nho'a. E marĩ wa. Duréihã Zona hã 'Re ihâimana u'âsi mono te te tãma 're sadawa wasu'u za'ra mono wamhã, ma tô te te 're wapari za'ra. Tahawa, ma tô ta norĩ hã tiwasété wi 're sipizari za'ra. Zonahã nhimiroti hã pire nherẽ, isipai u ĩnhimiroti si pire uptabi di. Tane nherẽ, a norĩ wa'wa hã ĩzaze za'ra wa'aba õ di, 'Re ihâimana u'âsi mono nhimipisutuzéb zarina we atẽme ĩmorĩ aba zém na hã. Tahawa, te za tô i'uwaibaba aiwasédé hã ai'ãma sa'ra wa'wa, Niniwé ãma 're idasi'ubumroi mono norĩ hã.

Luca 11:32

Niwamhã 'Re ihâimana u'âsi mono, za da'ãma isipo'ozéb ãma hã, duréihã Niniwé na 'ri nho'õmo nhisi ãma 're idasi'ubumroi mono norĩ hã te za asada tihâimana za'ra wa'wa, aiwasédé hã te te ai'ãma sa'ra wa'aba da, 'Re ihâimana u'âsi mono nho'a. E marĩ wa. Duréihã Zona hã 'Re ihâimana u'âsi mono te te tãma 're sadawa wasu'u za'ra mono wamhã, ma tô te te 're wapari za'ra. Tahawa, ma tô ta norĩ hã tiwasété wi 're sipizari za'ra. Zonahã nhimiroti hã pire nherẽ, isipai u ĩnhimiroti si pire uptabi di. Tane nherẽ, a norĩ wa'wa hã ĩzaze za'ra wa'aba õ di, 'Re ihâimana u'âsi mono nhimipisutuzéb zarina, we atẽme ĩmorĩ aba na hã. Tahawa, te za tô i'uwaibaba aiwasédé hã ai'ãma sa'ra wa'wa, Niniwé ãma 're idasi'ubumroi mono norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:25

Tahawa, ãhã na aipahi za'ra wa'aba õ di za. Sada asib'ru za'ra wa'aba. 'Re ihâimana u'âsi mono hã ĩma umnhasi uptabi di. Uburé te te ĩma iwaihu'u zarina, te za tô wama ãma uwaimrami za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:10

Aihĩni ma tô Simahã mreme na 're danhopré aré. Ãne te da te dasima 're rowasu'u za'ra, õ hã 'Re ihâimana u'âsi mono newa: — “Õhõ aibâ ma hã, iwaihu'upe te tãma tihâiba. 'Re ihâimana u'âsi mono waihu'u pe hã sa'ẽtẽ na te tãma tihâiba.”

Hebreu 11:1

E niha, 'Re ihâimana u'âsi mono, wa te wasina 're i'umnhasi za'ra mono zé hã. Ta hã te te wama 're i'apisutu mono zéb zarina, iwẽ uptabi zô si 're iwanhimipari u'âsi za'ra mono na, tô sena za te te wama ãma i'uwaimrami za'ra na, wa za wa te wasina 're waihu'u za'ra. Duré uburé marĩ hã watõmo na wa te 're i'madâ'â waihu'u za'ra mono õ zama, wa za duré wa te 're waihu'u za'ra, sena na 're ihâimana za'ra mono na hã. Ãne 'Re ihâimana u'âsi mono, wa te wasina 're i'umnhasi za'ra mono zé hã, te za wama 're hâimana za'ra.

Hebreu 11:7

Nowé hã, 'Re ihâimana u'âsi mono si te te sina 're i'umnhasi mono zéb zarina, ma tô duré ãma saze, ropipa hã za dazô iwatobrozém na 'Re ihâimana u'âsi mono hã romhâ ré te te ãma ipo're pu'uzém na, zahadu marĩ hã titõmo na te te 'madâ'â õ nherẽ, Nowé hã. Tahawa, isimiroti zarina ma tô uba're za'ẽne hã 'manha, ti'ra norĩ hã te te ãma sõ'reptu za'ra da, duré timro zama hã, duré tisani'aba norĩ zama hã te te ãma sõ'reptu za'ra da. Taha zarina, ma tô 'Re ihâimana u'âsi mono hã siwi da'awẽ'õ pese, dawasété na si 're dahâimana za'ra mono wa, Nowéhé si isimiroti hã te te 're 'madâ'â pese mono wa. Tawamhã Nowé hã, 'Re ihâimana u'âsi mono si te te sina 're umnhasi mono wa, ma tô 'Re ihâimana u'âsi mono hã ãma tiwata, ãne: “Ãhã si te 're timorĩ wẽ.” Ãne 'Re ihâimana u'âsi mono hã, Nowéhé ãma iwatazé wasu'u hã.

Apocalipsi 11:3

Taha ré, wa za ĩzadawa wasu'u'wa norĩ hã satõrĩ zahuré, tô 1.260 na bâdâ isi'utõrĩzéb u simi'ẽ na te te ĩzadawa wasu'u zahuré mono da. Tawamhã pone'ẽrebâ zéré 'manharĩ na uza wasété ré, te za tineb zahuré, pẽ'ẽzé uptabi zahuré wa, da te dasiwi 're ĩwẽ'õ pese za'ra mono wa.