Zona 3:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zona hã ma tô oto sima rob'ubumro. Taha pari te oto mo, Niniwé u hã, Uburé Danhib'apito te te tãma ipisutuzéb zarina. Niniwé hã 'ri nho'u isa'ẽtẽ uptabi. Ni'wa te te ãma ro'razâri da wamhã, si'ubdatõ bâdâ te za ãma ne, para na morĩ wamhã.

Zona 3:3 ပူးပေါင်းရင်းမြစ်များ

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Zenezi 30:8

Tawamhã Raqueu te duré tinha ãne: — Ã hã 'watébrémi nhisi hã za, Naftali na. E tihai wa. Ĩdub'rata na ĩsina ĩnhimirosa'rata na te iro'wapé na hã te ãma ai'uté wa.

Salmu 36:6

Ẽtẽ 'rãihâ rési ãna 're isa mono ne, te i'uwaibaba na si dama 're i'arowairébé mono zé hã 're hâimana. Duré â poré â 'rehâ uptabi ne, te dama 're i'apisutu mono zé hã 're hâimana. Uburé Danhib'apito, a hã te a'uwẽ norĩ hã, abaze norĩ me 're i'ab'madâ'â pese mo.

Zona 1:2

— Ma'ãpé asima rob'ubumro na, aimorĩ da, 'ri nho'u isa'ẽne Niniwé na isisi u. Tame te za aimreme 'rãihâ na irowasu'u, 'ri nho'õmo wa, 're idahâimana za'ra mono norĩ ma. E marĩ wa. Ta norĩ 're iwasété za'ra mono zé hã ma tô we ĩtẽme wi. Ta hã wa tô wapa.

Zona 4:11

E i'uwaibaba õ di bété, Niniwé 'ri nho'õmo za'ẽtẽ ãma 're idahâimana za'ra mono norĩ ãma ĩpẽ'ẽzé da hã, rob're nhipai u. Tô i'uwaibaba da'ãma ĩpẽ'ẽzézé hã. E marĩ wa. 120 miu na iwa 're dahâimana za'ra mono wa, 're idanomro wẽ mono na, duré 're idanomro wasété mono na da te dasina 're iwaihu'u za'ra mono õ norĩ hã. Duré danhimizama ahâ uptabi na iwa 're simasa mono wa.

2 Timotiu 4:11

Lucaha si te ĩ'rata nhamra. Ãhã wa, Marcuhu zô rowaimrami mono za, sõpẽtẽ da, asiré we saprõni da, ĩnhimiromhuri na te te 're ĩpawapto mono da.