Zona 2:4 - ꞌRe Ihâimana Uꞌâsi Mono Zadawa Wasuꞌu

⁴ Wa tô aré rosa'rata, asisiti ĩzatõrĩzém na hã atõmo nhiti. Duré wa tô aré rosa'rata, asib'ri iwazéb zahi iwẽ uptabi za te i'madâ'â zahu õ na hã apâ.

Zona 2:4 ပူးပေါင်းရင်းမြစ်များ

Salmu 5:7

Tane nherẽ, asimizawizé sa'ẽtẽ na aima 're ihâimana mono zarina, asõrõwa u hã ãma ĩzébré waihu'u pese di. Ĩma aiwazéb sina, wa za ĩhi'rãtitõ aima 're ĩsimasisi u'âsi, asõrõwa 'ri iwazéb zahi 'remhã.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.

Zona 2:7

Ĩdâ'âzéb u aré oto ĩhâimana wamhã, wa tô ai'ãma po'repuru, Uburé Danhib'apito ãma hã. Tawamhã ãma aima ĩmremezé hã ma tô ãma atẽme wi, 're i'aihâimana mono zéb u, 'ri hã iwazéb zahi iwẽ uptabi u hã.