Zona 1:9 - ꞌRe Ihâimana Uꞌâsi Mono Zadawa Wasuꞌu

⁹ Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

Zona 1:9 ပူးပေါင်းရင်းမြစ်များ

Zenezi 1:10

Tawamhã rob'ré ma tô duré sisi, ti'a na. Duré â, sitẽme isito simisutu hâimana da hã ma tô sisi, âporé na. Tawamhã 'Re ihâimana u'âsi mono, te te i'apoto mono hã, ma tô iwẽ na hã ab'madâ'â ze.

Zenezi 14:13

Tane nherẽ, ma tô aibâ misi dawi aimani. Tawamhã ta hã ma tô mo, uburé marĩ ihâimanazé hebreu Abrãhã ma, te te tãma rowasu'u da. Abrã hã te rowede iwazéb zahi 'rata 're hâimana, amoreu norĩ siré Mare te rowede 'rata. Tawamhã Mare norĩ hã te tisisãnawã Escol me Aner norĩ me hã Abrãhã niwĩmhã 're hâimana za'ra.

Zenezi 24:7

Uburé Danhib'apito, 'Re ihâimana u'âsi mono, hâiwa ãma 're isãmra mono ma tô ĩmama nhorõwa hawimhã, duré ĩsisãnawã norĩ nhipti'ai hawimhã we ĩwaze, ãwamhã. Duré ĩnhihudu norĩ ma, ã hã ti'a te te sõmri da, ma tô ĩma ropisutu. Õ hã te za tite hâiwa ãma romhuri'wa we satõ, te te asaprõni wẽ da hã. Ãhã wamhã te za ĩ'ra ma, pi'õ we tãma i'mazaprõ.

Zenezi 39:14

ma tô 'ri 're tãma zahuré romhuri'wa norĩ zô tihârâ za'ra. Tahawa, te ãne tãma siwasu'u za'ra: — Ãhãta ma'ãpé asiwi 'madâ'â aba! Ã hã hebreu, ĩmro, wanhorõwa 'madâ'â'wa da, we te te i'ãwi hã ma tô rowazé wama waze. Ĩnhib'ri 're wa'wa u, ma tô we ĩtẽme ãzé, ĩ'ãma hâimana da. Tane nherẽ, wa tô tiwi 're ĩzadari, ĩzadari 'rãihâ na hã.

Esdra 1:2

“Wa hã Ciru, Persia nhib'apito, wa aima nharĩ za'ra wa'wa ãne: Uburé Danhib'apito, 'Re ihâimana u'âsi mono hâiwa ãma 're isãmra mono hã ma tô ti'ai ãma uburé te 're ida'ab'madâ'â mono da hã danhib'ihâ'a na 're ĩhâimana mono zé hã ĩma tisõ. Ma tô duré ĩpisutu, Zeruzalẽ ãma iwa 're idawata za'ra mono zé 'ri hã te tãma sãrĩ da, Zuda na romnhisi ãma.

Esdra 5:11

Tahawa, ma tô asa ãma wazada'âbâ za'ra ãne: ‘Wa norĩ hã, 'Re ihâimana u'âsi mono hâiwa 'manharĩ'wa ti'ai 'manharĩ'wa nhib'a'uwẽ, wa 're wahâimana za'ra. Wa norĩ hã wa oto 'Re ihâimana u'âsi mono nhorõwa 'ri hã wasiwi wahutu ni, duréi Izaraéu nhihudu norĩ nhib'apito isa'ẽne te te aré i'ri nharĩ hã.

Neemia 1:4

Tawamhã ãne hã te wapari wamhã, wa tô nhamra. Ãhã wa, wa tô aiwa'õ. Tawamhã niha bâtâ na wa tô nasi aiwa'õ, ĩsai ãna. Ãhã ré, wa tô mre, 'Re ihâimana u'âsi mono ma ãne:

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Neemia 9:6

Tawamhã Izaraéu nhihudu norĩ, ma tô ãne mreme zu: “'Re ihâimana u'âsi mono, aiwétési Uburé Danhib'apito! A hã ma tô hâiwa i'manha. Wasi norĩ hã ma tô duré i'apoto mo. Ti'a hã, âporé hã, duré iwa 're ihâimana za'ra mono hã ma tô i'apoto mo. A hã ma tô uburé asimipoto mono bâ hâiba ré, 're ihâimana za'ra mono da hã tãma i'manharĩ za'ra. Duré hâiwa ãma ihâiba ré norĩ hã te hi'rãtitõ aima 're si'ubumroi mono sina ai'ãma 're wata u'âsi za'ra.

Ezodu 1:15

Tawamhã Ezitu te apito, ma tô pi'õ norĩ ma nharĩ zahuré, Izaraéu nhihudu norĩ ma, ai'uté zapari'wai ma. Isisi zahuré hã, Sifra na, duré Pua na. Ãne ma tô ta norĩ ma waihu'u zahuré:

Ezodu 2:13

Tawamhã awẽm na rowa'a wi apâ te te sina siri wa, ma tô Izaraéu nhihudu norĩ isi'ahâri hã 'madâ'â zahuré. Tahawa tisiré te te i'azâri ma te tãma tinha ãne: — E marĩ da, ma tô asiré nherẽ i'azâ.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:15

— Aibâ norĩ, e marĩ da, te za tane i'manharĩ za'ra wa'wa. Tô'ã. 'Manharĩ za'ra wa'aba tõ. Wa norĩ hã aibâ, asine za'ra wa'aba hã. Zezusihi wasu'uwẽ na wa te aima rowasu'u za'ra wa'aba da, wa tô we wanem ni, atẽme za'ra wa'aba. Wa tô duré aima roti za'ra wa'aba ni, taré romhâiba na ãma 're aiwata za'ra wa'aba mono zém hawi 're aipizari za'ra wa'aba mono da, iwaihu'upese newa ãma 're aiwata tõ za'ra wa'aba mono da, 'Re ihâimana u'âsi mono niwĩ 're anomro aba mono da oto. Ta hã ropoto na'rata 'wa, duré hâiwa nhirõtõ 'manharĩ'wa, duré ti'ai 'manharĩ'wa, duré âporé 'manharĩ'wa. Uburé ti'ai ãma 're idanomro mono da hã, ma tô te te da'apoto, hâiwa nhirõtõ ãma 're idahâimana za'ra mono da zama, duré â 'râwi 're inomro mono da zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:23

Wa hã, 'Re ihâimana u'âsi mono nhib'a'uwẽ, te tãma 're iromhuri u'âsi mono hã. Bara na, hâiwa ãma tãma iromhuri'wa hã ma tô we ĩtẽme wi.

Filipu 3:5

E marĩ wa. Ĩwaptã'ãzém na 8 na bâdâ hã ĩ'ãma ne parimhã, ma tô ĩnhihâiwata nhizâri ni, zudeu norĩ 're ihâimana za'ra mono zéb zarina. Wa hã Izaraéu nhihudu 're ĩhâimana mono. Duré i'ra Bẽzamihĩ nhihudu 're ĩhâimana mono. Wa hã duré hebreu uptabi. E marĩ wa. Ĩhi'rata norĩ hã uburé hebreu uptabi 're hâimana za'ra mono wa, da te 're wa'ru za'ra mono ãna. Duré farizeu na dame 're ĩhâimana mono wa, wa tô 'Re ihâimana u'âsi mono nhimiroti 'rada hã te 're 'madâ'â pese, Mozési te te ãma irob'ui'éré hã, isimiroti na hã.

Apocalipsi 11:13

Tawamhã zasi zahuré wi, awa'awi te za sa'ẽtẽ uptabi ti'a sãsã hã watobro. Watobro wamhã, 'ri hã nima norĩ hã te za sina, Zeruzalẽ ãma, 'ri nho'õmo 'remhã 're isimasa mono hã. 10 na 'ri 'maihâimana wamhã, te za misi si dawi rere'e. Te za duré 7 miu na tadâ'â za'ra ni, ti'a sãsã'ã na hã. Tawamhã dadâ'â ãna idasi'atarẽme mono hã te za tapahi uptabi za'ra ni. 'Re ihâimana u'âsi mono ãma te za tawata za'ra ni, hâiwa ãma 're isãmra mono ãma, simi'manharĩ waihu'u pese uptabi wa.

Apocalipsi 15:4

Wanhib'apito, dama aipire uptabi wa, te da te dasiwi 're aiwazé. Uburé pese, te da te 're aiwasu'u wẽ za'ra, danhipai u pese, aiwẽ uptabi wa. Aiwétési tô sena aiwẽ uptabi hã. Daro mono bâ 're idahâimana za'ra mono norĩ hã te za we ai'ãma 're dawata u'âsi za'ra, upai ãna dama 're i'arob'manharĩ wẽ mono zé hã da te 're 'madâ'â za'ra mono wa.”