Zona 1:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Zona 1:6 ပူးပေါင်းရင်းမြစ်များ

Salmu 78:34

'Re ihâimana u'âsi mono, te te 're ahâ za'ra mono sidâpâsi, 're dâ'â za'ra mono wamhã, ma tô ihâiba ré norĩ hã apâ sima sô 're sõpré. Ma tô duré apâ pẽ'ẽ toi wẽ te, itẽme 're sipizari za'ra.

Zuéu 2:11

Uburé Danhib'apito hã te tite dasi'wapéi 'manharĩ'wa norĩ nho'remhã tãma rob'ru za'ra, mreme 'rãihâ na. Ite dasi'wapéi 'manharĩ'wa norĩ hã ahâ uptabi di. Duré sib'ru uptabi za'ra mono di. Uburé Danhib'apito nhibâdâ hã pipa uptabi di za. E 'wa hã tiwi siptete da bâ za bété niwamhã.

Zona 3:8

Uburé a'uwẽ norĩ hã duré abaze norĩ zama te za ãma si'uza za'ra, sa'u ihâiro na. Dahâiba mono bâ te za sa'ẽtẽ tamreme zusi ni za, 'Re ihâimana u'âsi mono ma hã. Te za duré danhibâdâdi iwasédé hã rẽme za'ra ni, danhimirob'manharĩ wasété zéb zama.

Zona 3:9

Ãté ãne wamhã, 'Re ihâimana u'âsi mono hã te za tinhimirosa'rata na saprĩ. Ãté isahi hã te za taré tiwi ai'utõ. Ãne wamhã, wasi'utõrĩ õ di za.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:13

Tawamhã asa te wama nharĩ za'ra, ãne: — E niha da, te aiwa'õ za'ra wa'wa. Ma tô ãma ĩwi irobzei'õ za'ra wa'wa. Zeruzalẽ u hã ĩmorĩ da si, wa tô ĩsima rowẽ upta. Zezusi hã, Wanhib'apito na te 're sisi mono wa, ãté te za dasiwi ĩnherẽ ni, dazazéb 're. Ãté, wa za dârâ. Tane nherẽ, ĩma hã wẽ di tô, tamomo ĩmorĩ da hã.

Roma 13:11

Zezusi hã we apâ wazô imorĩzéb u hã romhuture di oto, te te iwanho'reptu za'ra zé hã te te oto wama i'rãsutu za'ra da hã. Cristu hã duréi, wa te wasina 're i'umnhasi na'rata za'ra mono hawim nherẽ, romhuture di oto, wama hã. Tahawa, te za oto asimiza'rese 're aihâimana za'ra wa'aba mo, darési ãna 're idanhotõ za'ra mono ne, asimiza'rese ãna 're aihâimana tõ za'ra wa'aba mono da. Ãne na ti'ai ãma 're iwahâimana hutu za'ra mono zé hã aima waihu'u pese za'ra wa'aba di. Ãne wa, te za 're idazawi pese za'ra wa'aba mo.